இன்று பெங்களூரு மாநகராட்சி நிலைக்குழுத் தலைவர் தேர்தல்

பெங்களூரு மாநகராட்சியின் 12 நிலைக்குழுக்களுக்குத் தலைவர், துணைத் தலைவர்களைத் தேர்வு செய்வதற்கான தேர்தல் வியாழக்கிழமை (நவ.16)நடக்கவிருக்கிறது.
பெங்களூரு மாநகராட்சியின் வரி மற்றும் நிதி, கல்வி, சுகாதாரம், நகரத் திட்டம், சமூகநீதி உள்ளிட்ட 12 நிலைக்குழுக்களுக்கு அண்மையில் நடைபெற்ற தேர்தலில் தலா 11 உறுப்பினர்கள் தேர்ந்தெடுக்கப்பட்டனர்.
இக்குழுக்களுக்கான தலைவர், துணைத் தலைவர்களுக்கான தேர்தல் வியாழக்கிழமை காலை 11 மணிக்கு நடக்கவிருக்கிறது. இந்தத் தேர்தலில் வாக்களிக்க வசதியாக மாமன்றத்தின் கூட்டத்திற்கு அழைப்பு விடுக்கப்பட்டுள்ளது.
காங்கிரஸ்- மஜத கூட்டணி அமைத்துள்ளதால், முக்கிய நிலைக்குழுக்களுக்கான தலைவர் பதவியைக் கைப்பற்ற மஜத வியூகம் அமைத்துள்ளது.