பகத்-கீ-கொத்தி விரைவு ரயில் ஜோத்பூர் வரை நீட்டிப்பு

பெங்களூரு-பகத்-கீ-கொத்தி வாரமிருமுறை இயக்கப்படும் விரைவு  ரயில் ஜோத்பூர் வரை நீட்டிக்கப்பட்டுள்ளது.
இதுகுறித்து தென்மேற்கு ரயில்வே வெளியிட்ட செய்திக் குறிப்பு: பெங்களூரிலிருந்து பகத்-கீ-கொத்தி வரை வாரம் இருமுறை இயக்கப்படும் சிறப்பு ரயில் (ரயில் எண்கள்: 16508/16507) ஜோத்பூர் ரயில் நிலையம்(ராஜஸ்தான்) வரை நீட்டிக்கப்பட்டுள்ளது.
இதையடுத்து, இந்த ரயிலை பெங்களூரு-ஜோத்பூர் வாரமிருமுறை விரைவு ரயில் என்று அழைக்கப்படும். இந்த மாற்றம் நவ.20-ஆம் தேதி முதல் அமலுக்கு வருகிறது. ரயில் எண்-16508-பெங்களூரு-ஜோத்பூர் வாரமிருமுறை விரைவு ரயில் பகத்-கீ-கொத்தி ரயில் நிலையத்திற்கு மாலை 4.24 மணிக்கு வந்தடையும். பின்னர், மாலை 4.26 மணிக்கு அங்கிருந்து புறப்பட்டு, மாலை 4.50 மணிக்கு ஜோத்பூர் ரயில் நிலையத்தைச் சென்றடைகிறது
 இதேபோல, ரயில் எண்-16507-ஜோத்பூர்-பெங்களூரு வாரமிருமுறை விரைவு ரயில் காலை 5.20 மணிக்கு ஜோத்பூர் ரயில் நிலையத்தில் இருந்து புறப்பட்டு, அதேநாளில் காலை 5.38 மணிக்கு பகத்-கீ-கொத்தி ரயில் நிலையத்திற்கு வந்து காலை 5.40 மணிக்குப் புறப்படுகிறது.