கலைஞர் ஆயிரம் கவிதாஞ்சலி கவியரங்கத்தில் பெங்களூரு கவிஞர்கள் பங்கேற்பு

செப். 7-இல் சென்னையில் நடைபெற உள்ள கலைஞர் ஆயிரம் கவிதாஞ்சலி கவியரங்கத்தில் பெங்களூருவைச் சேர்ந்த கவிஞர்கள் 10 பேர் பங்கேற்கின்றனர்.  இது குறித்து பாவணர் பாட்டரங்க பொறுப்பாளர் இராம. இளங்கோவன் வெளியிட்டுள்ள செய்தி குறிப்பு: சென்னை சைதாப்பேட்டை எஸ்.பி.எஸ் திருமண மண்டபத்தில் செப். 7-ஆம் தேதி முன்னாள் மேயர் மா.சுப்ரமண்யம் தலைமையில் கலைஞர் ஆயிரம் கவிதாஞ்சலி கவியரங்கம் நடைபெற உள்ளது. இதில் பெங்களூருவைச் சேர்ந்த இராம. இளங்கோவன் தலைமையில் அ.ம.ரவிச்சந்திரன், கோ.சி.சேகர், இரா.லாலாலஜிபதி, அ.கமல்முகமது, சாரதி, சேரா.கார்த்தி உள்ளிட்ட 10 கவிஞர்கள் கலந்து கொள்ள உள்ளனர் என அதில் தெரிவிக்கப்பட்டுள்ளது.