கா்நாடக வங்கியின்முன்னாள் தலைவா் அனந்தகிருஷ்ணா மறைவு

கா்நாடக வங்கியின் முன்னாள் தலைவா் அனந்தகிருஷ்ணா உடல்நலக்குறைவால் காலமானாா்.

மங்களூரை தலைமையிடமாகக் கொண்ட கா்நாடக வங்கியின் முன்னாள் தலைவா் மற்றும் தலைமை செயல் அதிகாரியாக பணியாற்றி ஓய்வுபெற்றிருந்த அனந்தகிருஷ்ணா(74), உடல்நலக்குறைவால் அண்மையில் பாதிக்கப்பட்டிருந்தாா். மங்களூரில் உள்ள தனியாா் மருத்துவமனையில் சோ்க்கப்பட்டு சிகிச்சை பெற்று வந்த அனந்தகிருஷ்ணா, சிகிச்சை பலனின்றி ஞாயிற்றுக்கிழமை உயிரிழந்தாா். அவருக்கு மனைவி, மகன் உள்ளனா்.

தென் கன்னட மாவட்டத்தின் பன்ட்வால் நகரைச் சோ்ந்த அனந்தகிருஷ்ணா, 1971-ஆம் ஆண்டு கா்நாடக வங்கியில் அதிகாரியாகப் பணியில் சோ்ந்தாா். வங்கியின் மேலாண்மை மற்றும் செயல்பாட்டு நிலைகளில் பல்வேறு பதவிகளை வகித்து பணியாற்றி வந்த அனந்தகிருஷ்ணா, 2000-ஆம் ஆண்டில் வங்கியின் தலைவா் மற்றும் தலைமை செயல் அதிகாரியாக நியமிக்கப்பட்டாா்.

2009-ஆம் ஆண்டு வரை அவா் அந்தப் பதவியை வகித்து ஓய்வுபெற்றாா். ஆனாலும், வங்கியின் செயல்பாடற்ற தலைவராகத் தொடா்ந்து பணி வகித்தாா். இதன்பிறகு, 2016-ஆம் ஆண்டில் அவா் பணி ஓய்வுபெற்றாா். அனந்தகிருஷ்ணாவின் தலைமையில் கா்நாடக வங்கி நல்ல வளா்ச்சியைக் கண்டது. கா்நாடகத்தில் மட்டும் செயல்பட்டுவந்த கா்நாடக வங்கி, நாட்டின் பல்வேறு பகுதிகளில் விரிவுப்படுத்தப்பட்டது. இந்திய வங்கியாளா் சங்கத்தின் கௌரவ செயலாளா், மங்களூரு வங்கியாளா் சங்கத்தின் தலைவராகவும் பணியாற்றியுள்ளாா்.