வருமுன் காப்போம் திட்ட மருத்துவ முகாம்

திருத்தணி, ஜூலை 17: தமிழக அரசின் வருமுன் காப்போம் திட்ட மருத்துவ முகாம் செருக்கனூர் ஊராட்சி ஒன்றிய நடுநிலைப் பள்ளியில் வெள்ளிக்கிழமை நடைபெற்றது.

÷இதில் மொத்தம் 764 பேர் கலந்து கொண்டனர். இதில் பெண்களுக்கான ஸ்கேன் பரிசோதனை, புற்றுநோய் பரிசோதனை, இருதய பரிசோதனை, ரத்தப் பரிசோதனை செய்யப்பட்டு மருத்துவ ஆலோசனை வழங்கப்பட்டது.

÷சிறப்பு அழைப்பாளராக பள்ளிப்பட்டு எம்எல்ஏ இ.எஸ்.எஸ்.ராமன் முகாமை தொடங்கிவைத்தார். அப்போது மகப்பேறு நிதி உதவியாக ரூ.3 ஆயிரத்திற்கான காசோலையை 10 பெண்களுக்கு வழங்கினார்.

÷ஊராட்சி மன்றத் தலைவர் ஜி.சம்பத் தலைமை வகித்தார். திருத்தணி ஒன்றியக் குழு தலைவர் பி.ஜோதி, துணைத்தலைவர் எல்.நாராயணன் ஆகியோர் முன்னிலை வகித்தனர். ஊராட்சி மன்ற துணைத் தலைவர் எம்.கார்த்திக் வரவேற்றார்.

÷நிகழ்ச்சியில் கிராம வட்டார வளர்ச்சி அலுவலர் எஸ்.புருஷோத்தமன், மாவட்ட காங்கிரஸ் துணைத்தலைவர் கிருஷ்ணமராஜூ, இராமகிருஷ்ணாபுரம் வார்டு உறுப்பினர் ஏ.ஜி.துரைசாமி, வட்டார மருத்துவ அலுவலர் எ.வி.அஸ்வின் வட்டார சுகாதார புள்ளியாளர் கே.சுரேஷ் ஆகியோர் கலந்துகொண்டனர். ஊராட்சி உதவியாளர் எஸ். இளங்கோவன் நன்றி கூறினார்.