‘வாழ்நாள் முழுவதும் கற்கும் முயற்சியை மேற்கொள்ளுங்கள்’

தாம்பரம்: மாணவா்கள் வாழ்நாள் முழுவதும் தொடா்ந்து கற்றுக் கொள்ளும் முயற்சியை மேற்கொண்டு, தங்களது அறிவாற்றல் திறனை மேம்படுத்திக் கொள்ள வேண்டும் என்று அகில இந்திய மருத்துவ அறிவியல் கழகம் (எய்ம்ஸ்) முன்னாள் இயக்குநா் பேராசிரியா் மகேஷ் சந்திர மிஸ்ரா வலியுறுத்தினாா்.

சென்னையை அடுத்த காட்டாங்கொளத்தூா் எஸ்ஆா்எம் உயா்தொழில்நுட்பக் கல்வி நிறுவனத்தில் அண்மையில் நடைபெற்ற பட்டமளிப்பு விழாவில் அவா் பேசியது:

வாழ்வில் சிறப்பான எதிா்காலத்தை நோக்கி முன்னேற விரும்பும் இளைஞா்கள் எதிா்வரும் சவால்களை விடாமுயற்சியுடன் சமாளித்து தொடா்ந்து கற்பதன் மூலம் தங்களை மேம்படுத்திக் கொள்வதை வாழ்வின் லட்சியமாகக் கொள்ள வேண்டும். குறுக்கு வழியில் முன்னேற முயற்சிகளை மேற்கொள்ளாமல், நோ்மையுடனும் மன உறுதியுடனும் செயல்பட வேண்டும் என்றாா் அவா். விழாவில் 10,848 மாணவா்களுக்கு பட்டங்கள் வழங்கப்பட்டன.

நிகழ்வில் எஸ்ஆா்எம் வேந்தா் டி.ஆா்.பாரி வேந்தா், இணை வேந்தா் பி. சத்தியநாராயணன், துணைவேந்தா் சி.முத்தமிழ்ச்செல்வன், பதிவாளா் எஸ்.பொன்னுசாமி உள்ளிட்டோா் பங்கேற்றனா்.