திருப்பதி, காட்பாடி, திருவண்ணாமலை பாசஞ்சர் ரயில்கள் 2 நாள்களுக்கு ரத்து!

சென்னை: சென்னையிலிருந்து திருவண்ணாமலைக்கு இயக்கப்படும் பாசஞ்சர் ரயில் உள்பட 4 ரயில்கள் 2 நாள்களுக்கு ரத்து செய்யப்பட்டுள்ளன.

இது குறித்து தெற்கு ரயில்வே சென்னை மண்டலப் பிரிவிலிருந்து வெளியிடப்பட்டுள்ள செய்திக் குறிப்பில்:

• காட்பாடியிலிருந்து இரவு 9.10 மணிக்குப் புறப்படும் காட்பாடி - திருப்பதி மெமு பாசஞ்சர் (67210)

• திருப்பதியிலிருந்து இரவு 7.10 மணிக்குப் புறப்படும் திருப்பதி - காட்பாடி மெமு பாசஞ்சர் (67209)

• சென்னை கடற்கரை ரயில் நிலையத்திலிருந்து மாலை 6 மணிக்குப் புறப்படும் சென்னை கடற்கரை - திருவண்ணாமலை மெமு பாசஞ்சர் (66033) ஆகிய 3 ரயில்களும் திங்கள்கிழமை(ஜுன் 16), புதன்கிழமை(ஜுன் 18) ஆகிய 2 நாள்கள் ரத்து செய்யப்படுகின்றன.

• திருவண்ணாமலையிலிருந்து அதிகாலை 4.30 மணிக்குப் புறப்படும் திருவண்ணாமலை - தாம்பரம் மெமு பாசஞ்சர் (66034) செவ்வாய்க்கிழமை(ஜூன் 17), வியாழக்கிழமை(ஜூன் 19) ஆகிய 2 நாள்கள் ரத்து செய்யப்படுகின்றது. இவ்வாறு தெற்கு ரயில்வே வெளியிட்டுள்ள செய்திக் குறிப்பில் தெரிவிக்கப்பட்டுள்ளது.