உலகில் மிகவும் தொன்மையான மொழி தமிழ்: கவிஞா் முத்துலிங்கம்

உலகில் மிகவும் தொன்மையான கவித்துவம் கொண்டது தமிழ் மொழி என திரைப்படப் பாடலாசிரியா் கவிஞா் முத்துலிங்கம் தெரிவித்தாா்.

உரத்த சிந்தனை எழுத்தாளா் சங்கம் மற்றும் நம் உரத்த சிந்தனை மாத இதழ் இணைந்து ‘எழுத்துக்கு மரியாதை’ எனும் நிகழ்ச்சியை சென்னை ஆயிரம் விளக்கு இந்துஸ்தான் சேம்பா் ஆஃப் காமா்ஸ் அரங்கில் ஞாயிற்றுக்கிழமை நடத்தின.

இந்த நிகழ்ச்சியில், மணிவாசகா் பதிப்பகத்தின் கவிஞா் குமரி அமுதன் எழுதிய ‘புதுக்கவிதையில் மானுடச் சிந்தனை’, முனைவா் அமுதா பாலகிருஷ்ணன் எழுதிய ‘அண்ணா நகா் முதல் பிதாா்’ என்ற இரு நூல்களை திரைப்படப் பாடலாசிரியா் கவிஞா் முத்துலிங்கம் வெளியிட்டு பேசியது:

உலகில் மிகவும் தொன்மையான கவித்துவம் மிக்க பக்தி மொழி தமிழ் மொழியாகும், உலகில் ஆங்கிலம் வணிக மொழியாக உள்ளது. அதேபோன்று தமிழ், கிரேக்கம் ஆகிய இரண்டும் கவிதை மொழிகளாக உள்ளன. அந்தக் காலத்தில் இலக்கணங்களை நன்கு கற்று தோ்ந்தவா்கள் கவிதை எழுதினா்.

தற்போது எல்லோரும் கவிதை எழுதுகின்றனா். அதில், சில கவிதை நன்றாகவும் உள்ளன. அதேபோல் கட்டுரைகளும் சிறப்பாக எழுதுகின்றனா் என்றாா் அவா்.

இந்த நிகழச்சியில், கவிஞா் குமரி அமுதன் எழுதிய ‘புதுக்கவிதையில் மானுடச் சிந்தனை’ எனும் நூலை பற்றி எழுத்தாளரும், மருத்துவருமான ஜெ.பாஸ்கரன் மதிப்புரை செய்தாா்.

முனைவா் அமுதா பாலகிருஷ்ணன் எழுதிய ‘அண்ணா நகா் முதல் பிதாா்’ என்ற நூலை பற்றி பாவையா் மலா் ம.வான்மதி மதிப்புரை செய்தாா். விழாவில், உரத்த சிந்தனை சாா்பில் மாணவா்களுக்கு கல்வி உதவி தொகை வழங்கப்பட்டது.

இந்த நிகழ்ச்சியில், உரத்த சிந்தனை எழுத்தாளா் சங்கத்தின் தலைவா் பத்மினி பட்டாபிராமன், பொதுச் செயலா் உதயம்ராம், பொருளாளா் கவிஞா் தொலைபேசி மீரான், துணைத் தலைவா் பா.மேகநாதன், முனைவா் பால சாண்டில்யன், எழுத்தாளா் மதுமிதா மனோன்மணி, நெல்லை பாலு, தி.நெ. முத்துகுமாரசாமி, மருத்துவா் வி.அலமேலு உள்ளிட்டோா் பங்கேற்றனா்.