சென்னையில் 200 மி.மீ. மழையை தாங்கும் உள்கட்டமைப்புகள்!

சென்னையில் 15 செ.மீ. முதல் 20 செ.மீ. வரை மழை பெய்தாலும் தாங்கும் வகையில் உள்கட்டமைப்புகள் மேம்படுத்தப்பட்டுள்ளதாக மேயா் ஆா்.பிரியா தெரிவித்தாா்.

சென்னை தண்டையாா்பேட்டை, திரு.வி.க.நகா் மண்டலங்களுக்கு உள்பட்ட 45, 71 ஆகிய வாா்டுகளில் உள்ள கணேசபுரம் சுரங்கப் பாதையின் மேல்பகுதியில் புதிதாக ரூ.226.55 கோடியில் மேம்பாலம் கட்டப்பட்டு வருகிறது. அதை மேயா் ஆா்.பிரியா சனிக்கிழமை நேரில் சென்று பாா்வையிட்டாா்.

தொடா்ந்து, தண்டையாா்பேட்டை மண்டலத்துக்குள்பட்ட பகுதிகளில் நடைபெற்றுவரும் பாலம் கட்டும் பணிகள், குளம் தூா்வாருதல், விளையாட்டு வளாகம் கட்டும் பணி, கால்வாய் மறுசீரமைத்தல் உள்ளிட்ட வளா்ச்சித் திட்டப் பணிகளையும் அவா் பாா்வையிட்டாா்.

அப்போது, அவா் செய்தியாளா்களிடம் கூறியது: சென்னையில் போக்குவரத்து நெரிசலைக் குறைக்கும் வகையில் தியாகராய நகா் சிஐடி காலனி உள்ளிட்ட பகுதிகளில் மேம்பாலங்கள் கட்டப்பட்டு மக்கள் பயன்பட்டுக்கு கொண்டுவரப்பட்டுள்ளன. அதன்படியே கணேசபுரம் பாலமும் கட்டப்பட்டு வருகிறது. இந்தப் பணிகள் வரும் ஜனவரிக்குள் முடிந்து மக்கள் பயன்பாட்டுக்கு திறக்க நடவடிக்கை மேற்கொள்ளப்பட்டுள்ளது.

வடசென்னை வளா்ச்சித் திட்டத்தில் மண்டலம் 4, 46 ஆகிய வாா்டுகளில் ரயில்வே இடத்தில் உள்ள 9 ஏக்கா் பரப்பளவுள்ள குளம் சீரமைக்கப்பட்டுள்ளது. மக்கள் நடைப்பயிற்சிக்கான அனைத்து வசதிகளும் இங்கு செய்துதரப்படும்.

வடகிழக்குப் பருவமழையை எதிா்கொள்ள மாநகராட்சி தயாராக உள்ளது. மழைநீா்த் தேங்கும் தாழ்வான பகுதிகள் கண்டறியப்பட்டு அங்கு தண்ணீரை வெளியேற்றும் வகையில் மின்மோட்டாா்கள் தயாா் நிலையில் வைக்கப்பட்டுள்ளன. சாலை சீரமைப்புப் பணிகள் மழைக்காலத்துக்கு பிறகே நடைபெற வேண்டும் என ஒப்பந்ததாரா்களுக்கு உத்தரவிடப்பட்டுள்ளது.

உள்கட்டமைப்பு மேம்பாடு: மழைநீா் வடிகால்கள், பெரிய கால்வாய்களில் தூா்வாரும் பணி இயந்திரம் மற்றும் மனித வளத்தைப் பயன்படுத்தி நடைபெற்றுவருகின்றன. சென்னை மாநகராட்சியில் 15 ெ.மீ. முதல் 20 செ.மீ. வரை மழை பெய்தால் அதைத் தாங்கும் வகையில் உள்கட்டமைப்பு மேம்படுத்தப்பட்டுள்ளது. அதன்படி, 24 மணி நேரத்தில் தண்ணீா் வடியும் வகையில் நடவடிக்கை எடுக்கப்படும் என்றாா்.

ஆய்வுகளின்போது, பெரம்பூா் எம்எல்ஏ ஆா்.டி.சேகா், மாநகராட்சி ஆணையா் ஜெ. குமரகுருபரன், சென்னை குடிநீா் வாரிய மேலாண்மை இயக்குநா் டி.ஜி.வினய் உள்ளிட்டோா் உடனிருந்தனா்.