90 பேருக்கு சுற்றுலா விருதுகள் அளிப்பு

சுற்றுலாத் துறையில் சாதனை செய்த 90 பேரை பாராட்டி சுற்றுலா விருதுகள் வழங்கப்பட்டன.
 இந்திய அரசின் சுற்றுலாத்துறை ஆதரவுடன், மதுரா வெல்கம் சார்பில் வெளியிடப்படும் சுற்றுலா வழிகாட்டு நூல் சார்பில், சென்னையில் இதற்கான விழா வெள்ளிக்கிழமை நடைபெற்றது.
 இதில், சுற்றுலாத் துறை முன்னாள் இயக்குநர் ரெங்கச்சாரிக்கு வாழ்நாள் சாதனையாளர் விருதும், தமிழகத்தில் பீச் ரிசார்ட்டை முதல் முதலாக அறிமுகப்படுத்திய வி.ஜி.பி.சந்தோஷம், மருத்துவச் சுற்றுலாவை அறிமுகப்படுத்திய டாக்டர் ஜி.எம்.கே.ரெட்டி உள்ளிட்ட 90 பேருக்கு விருதுகளை திரைப்பட பின்னணிப் பாடகி பி.சுசீலா வழங்கினார்.
 தேசிய அளவிலான பயண முகவர்கள் சங்கத் தலைவர் வி.ஜி.ஸ்டீபன், மத்திய சுற்றுலாத் துறையின் தென் மண்டல இயக்குநர் சஹைப் சமது, சுபாஷ்கோயெல் உள்ளிட்டோர் பங்கேற்றனர்.