அண்ணா நூற்றாண்டு நூலகம்: பொன் மாலைப் பொழுது நிகழ்ச்சியில் தினமணி ஆசிரியர் நாளை சிறப்புரை

சென்னை:  சென்னை அண்ணா நூற்றாண்டு நூலகத்தில் சனிக்கிழமை நடைபெறவுள்ள "பொன்மாலைப் பொழுது' நிகழ்ச்சியில் தினமணி ஆசிரியர் கி.வைத்தியநாதன் கலந்துகொண்டு சிறப்புரையாற்றவுள்ளார்.
சென்னை கோட்டூர்புரத்தில் உள்ள அண்ணா நூற்றாண்டு நூலகத்தில் வாசகர்கள்,  தமிழ் ஆர்வலர்களுக்காக வாரந்தோறும் சனிக்கிழமை மாலை 6 மணி முதல் இரவு 7.30 மணி வரை பொன் மாலைப் பொழுது என்ற நிகழ்ச்சி நடத்தப்பட்டு வருகிறது. 
இதில் பிரபல இலக்கிய ஆளுமைகள்,   பல்வேறு துறைகளைச் சேர்ந்த நிபுணர்கள் பங்கேற்று சொற்பொழிவாற்றி வருகின்றனர். 
இந்த வாரத்துக்கான பொன் மாலைப் பொழுது நிகழ்ச்சி சனிக்கிழமை நடைபெறவுள்ளது. இதில் தினமணி ஆசிரியர் கி.வைத்தியநாதன் பங்கேற்று, "அரங்கேறும் சொற்கள்' என்ற தலைப்பில் சொற்பொழிவாற்றவுள்ளார்.  
இந்த நிகழ்ச்சி "யு டியூப்', "முகநூல்' ஆகியவற்றில் நேரலையாக ஒளிபரப்பு செய்யப்படுகிறது; 'Anna Centenary 
Library' என்ற தேடலில் நேரலை ஒளிபரப்பை காணலாம். இந்த நிகழ்ச்சியில் பொதுமக்கள் கலந்து கொள்ள அனுமதி இலவசம் என்றும் நூலக அதிகாரிகள் தெரிவித்தனர்.