விழுப்புரத்தில் பராமரிப்புப் பணி: ரயில் சேவையில் மாற்றம்

விழுப்புரத்தில் பராமரிப்புப் பணி காரணமாக செவ்வாய்க்கிழமை முதல் வரும் வெள்ளிக்கிழமை (ஜூலை 27) வரை புறநகர் ரயில் சேவையில் மாற்றம் செய்யப்பட்டுள்ளது.
இன்று மாற்றம் செய்யப்படும் ரயில்கள்:
சென்னை எழும்பூர்-புதுச்சேரிக்கு இயக்கப்படும் பயணிகள் ரயில் (56037) திண்டிவனம்-புதுச்சேரி இடையே பகுதி ரத்து செய்யப்படுகிறது. இந்த ரயில் சென்னை எழும்பூர்-திண்டிவனம் இடையே மட்டும் இயக்கப்படும். புதுச்சேரி-எழும்பூருக்கு இயக்கப்படும் பயணிகள் ரயில் (56038) பகுதி ரத்து செய்யப்பட்டு திண்டிவனம்-எழும்பூர் வரை மட்டுமே இயக்கப்படும்.
திருப்பதி-புதுச்சேரி (56041), புதுச்சேரி-திருப்பதி (56042) பயணிகள் ரயில்கள் திண்டிவனம்-புதுச்சேரி இடையே பகுதி ரத்து செய்யப்படுகின்றன. இந்த ரயில்கள் திருப்பதி-திண்டிவனம் இடையே மட்டும் இயக்கப்படும்.
மேல்மருவத்தூர்-விழுப்புரம் (66045), விழுப்புரம்-மேல்மருவத்தூர் (66046) பயணிகள் ரயில்கள் முண்டியம்பாக்கம்-விழுப்புரம் இடையே பகுதி ரத்து செய்யப்படுகின்றன. இந்த ரயில்கள் மேல்மருவத்தூர்-முண்டியம்பாக்கம் இடையே மட்டும் இயக்கப்படும்.
நேரம் மாற்றம்: சென்னை எழும்பூர்-மதுரை செல்லும் 
வைகை விரைவு ரயில் மதியம் 1.40 மணிக்கு பதில் 2 மணி நேரம் தாமதமாக பிற்பகல் 3.40 மணிக்கு புறப்பட்டு செல்லும். சென்னை எழும்பூர்-காரைக்குடி பல்லவன் விரைவு ரயில் பிற்பகல் 3.45 மணிக்கு பதில் 30 நிமிடம் தாமதமாக மாலை 4.15 மணிக்கு புறப்பட்டு செல்லும்.
25-இல் மாற்றம் செய்யப்படும் ரயில்: விழுப்புரம்-புதுச்சேரி (56863), புதுச்சேரி-விழுப்புரம் (56864) பயணிகள் ரயில் சேவை முழுமையாக ரத்து செய்யப்படுகின்றன.
ஜூலை 26, 27 தேதிகளில் மாற்றம் செய்யப்படும் ரயில்கள்:
சென்னை எழும்பூர்-புதுச்சேரி (56037), புதுச்சேரி-சென்னை எழும்பூருக்கு (56038) இயக்கப்படும் பயணிகள் ரயில்கள் திண்டிவனம்-புதுச்சேரி இடையே பகுதி ரத்து செய்யப்படுகிறது. இந்த ரயில்கள் சென்னை எழும்பூர்-திண்டிவனம் இடையே மட்டும் இயக்கப்படும். 
திருப்பதி-புதுச்சேரி (56041), புதுச்சேரி-திருப்பதிக்கு (56042) இயக்கப்படும் பயணிகள் ரயில்கள் திண்டிவனம்-புதுச்சேரி இடையே பகுதி ரத்து செய்யப்படுகின்றன. இந்த ரயில்கள் திருப்பதி-திண்டிவனம் இடையே மட்டும் இயக்கப்படும்.
மேல்மருவத்தூர்-விழுப்புரம் (66045), விழுப்புரம்-மேல்மருவத்தூர் (66046) ரயில்கள் முண்டியம்பாக்கம்-விழுப்புரம் இடையே பகுதி ரத்து செய்யப்படுகிறது. இந்த ரயில்கள் மேல்மருவத்தூர்-முண்டியம்பாக்கம் இடையே மட்டும் இயக்கப்படும் எனத் தெற்கு ரயில்வே செய்திக் குறிப்பில் தெரிவிக்கப்பட்டுள்ளது.