காவல் உதவி ஆய்வாளர் மனைவியிடம் சங்கிலி பறிப்பு

வீட்டின் பின்புறம் முகம் கழுவிக் கொண்டிருந்த ரயில்வே பாதுகாப்புப் படை உதவி ஆய்வாளர் மனைவியின் தங்கச் சங்கிலி பறித்துச் செல்லப்பட்டது.
சென்னை, வில்லிவாக்கம் ஐசிஎஃப் கிழக்கு காலனியில் வசிப்பவர் கந்தவேல், ரயில்வே பாதுகாப்புப் படை உதவி ஆய்வாளர். மனைவி மல்லிகா (51), செவ்வாய்க்கிழமை இரவு வீட்டின் பின்புறமுள்ள தோட்டத்தில் முகம் கழுவிக் கொண்டிருந்தாராம். அப்போது, அடையாளம் தெரியாத ஒருவர் மல்லிகாவின் வாயைப் பொத்தி, அவரது கழுத்தில் இருந்த 3 பவுன் சங்கிலியைப் பறித்துச் சென்றாராம்.
ஐசிஎஃப் போலீஸார் வழக்குப் பதிந்து விசாரித்து வருகின்றனர்.