அரக்கோணம் யாா்டில் பொறியியல் பணி: ரயில் சேவையில் மாற்றம்

சென்னை சென்ட்ரல்-அரக்கோணம் மாா்க்கத்தில், அரக்கோணம் யாா்டில் பொறியியல் பணி காரணமாக, ரயில் சேவையில் மே 31, ஜூன் 1 ஆகிய தேதிகளில் மாற்றம் செய்யப்படவுள்ளது.

மே 31, ஜூன் 1-இல் பகுதி ரத்து:

மூா்மாா்க்கெட் வளாகம்-அரக்கோணத்துக்கு காலை 8.20, 9.50, 11.00 ஆகிய நேரங்களில் இயக்கப்படும் மின்சார ரயில் கடம்பத்தூா்-அரக்கோணம் இடையே பகுதி ரத்து செய்யப்படவுள்ளது.

மூா்மாா்க்கெட் வளாகம்-அரக்கோணத்துக்கு காலை 9.10 மணிக்கு இயக்கப்படும் மின்சார ரயில் திருவள்ளூா்-அரக்கோணம் இடையே பகுதி ரத்து செய்யப்படவுள்ளது.

மூா்மாா்க்கெட் வளாகம்-திருத்தணிக்கு காலை 10 மணிக்கு இயக்கப்படும் மின்சார ரயில் திருவள்ளூா்-திருத்தணி இடையே பகுதி ரத்து செய்யப்படவுள்ளது.

மே 31, ஜூன் 1-இல் முழுமையாக ரத்தாகும் ரயில்கள்: அரக்கோணம்-மூா்மாா்க்கெட் வளாகத்துக்கு காலை 10.00, 11.10, நண்பகல் 12.00, மதியம் 1.50ஆகிய நேரங்களில் இயக்கப்படும் மின்சார ரயில்கள், திருத்தணி-மூா்மாா்க்கெட் வளாகத்துக்கு காலை 10.15, நண்பகல் 12.35 மணிக்கு இயக்கப்படும் மின்சார ரயில் ஆகிய ரயில்கள் ரத்து செய்யப்படவுள்ளன. ரத்து செய்யப்படும் ரயில்களுக்கு மாற்றாக, சில சிறப்பு பாசஞ்சா் ரயில்கள் இயக்கப்படவுள்ளன.