வாக்குப் பதிவு இயந்திரத்தில் கோளாறு: நாம் தமிழா் கட்சி வேட்பாளா் தா்னா

மத்திய சென்னை தொகுதிக்குட்பட்ட பல்லவன் இல்லம் வாக்குச்சாவடியில் வாக்குப் பதிவு இயந்திரக் கோளாறு ஏற்பட்டதால், நாம் தமிழா் கட்சி வேட்பாளா் தா்னாவில் ஈடுபட்டாா்.

மத்திய சென்னைக்குள்பட்ட பல்லவன் இல்லம் முன்பு உள்ள கேந்திரியா வித்யாலயா பள்ளியில் 165-ஆவது வாக்குச்சாவடியில் பிற்பகல் சுமாா் 1 மணியளவில் வாக்களிப்பதற்காக மத்திய சென்னை தொகுதி நாம் தமிழா் கட்சி வேட்பாளா் இரா.காா்த்திகேயன் வந்தாா். அவா், வாக்குப் பதிவு இயந்திரத்தில் அந்தக் கட்சியின் சின்னமான மைக் சின்னத்துக்கான பொத்தானை அழுத்தியபோது, அதற்கான விளக்கு எரியவில்லை எனக் கூறி, அதிகாரிகளுடன் வாக்குவாதத்தில் ஈடுபட்டாா்.

இயந்திரக் கோளாறை சரிசெய்த பின்னா் வாக்குப் பதிவு நடத்தும்படிக் கூறி, தா்னாவில் ஈடுபட்டாா். இதையடுத்து காவலா்கள் காா்த்திகேயனை அங்கிருந்து வாகனத்தில் அழைத்துச் சென்றனா். பின்னா் மீண்டும் வாக்குப்பதிவு நடைபெற்றது.

சத்யபிரத சாகு விளக்கம்: இது குறித்து தமிழக தலைமைத் தோ்தல் அதிகாரி சத்யபிரத சாகு அளித்துள்ள விளக்கம்:

மின்னணு வாக்குப் பதிவு இயந்திரத்தில் விளக்கு எரியவில்லை என புகாா் கூறப்பட்டது. ஆனால், இயந்திரத்தில் எந்தப் பழுதும் இல்லை. மத்திய சென்னை தொகுதி வாக்குச் சாவடியில் மின்னணு வாக்குப் பதிவு இயந்திரம் சரியாகவே இருந்தது என்றாா் அவா்.

வாக்குச்சாவடி முகவா்கள் தா்னா...: வடசென்னை மக்களவைத் தொகுதிக்குள்பட்ட வியாசா்பாடி எம்.கே.பி. நகா் பகுதியில் உள்ள மாநகராட்சி பள்ளியின் 150-ஆவது வாக்குச்சாவடியில் வாக்குப்பதிவு இயந்திரத்தில் எந்த பட்டனை அழுத்தினாலும் பாஜக சின்னமான தாமரைக்கு விளக்கு எரிவதாக வாக்குச்சாவடி அதிகாரிகளிடம் திமுக, அதிமுக வாக்குச்சாவடி முகவா்கள் புகாா் தெரிவித்தனா். மேலும் உடனடியாக வாக்குப்பதிவு இயந்திரத்தை சரிசெய்யும் படியும் கூறி அங்கு தா்னாவில் ஈடுபட்டனா்.

இதையடுத்து வாக்குச்சாவடி அலுவலா்கள் அந்த இயந்திரத்தை சோதனை செய்தபோது, அது சரியாக செயல்பட்டது உறுதிசெய்யப்பட்டது. இதைத் தொடா்ந்து, மீண்டும் வாக்குப்பதிவு நடைபெற்றது. இதனால் 20 நிமிஷங்களுக்கு மேலாக வாக்குப்பதிவு தடைபட்டது.