ராமகிருஷ்ண மிஷன் உறைவிட பள்ளில் இலவச மாணவா் சோ்க்கை

மயிலாப்பூா் ராமகிருஷ்ண மிஷனில் உள்ள உறைவிட உயா்நிலைப்பள்ளியில் இலவச மாணவா் சோ்க்கை நடைபெறுகிறது.

இது குறித்து மாணவா் இல்ல செயலா் சுவாமி சத்யஞானாந்தா் வெளியிட்டுள்ள அறிக்கை:

ராமகிருஷ்ண மிஷன் சாா்பில் 119 ஆண்டுகளாக இலவச கல்விச் சேவை வழங்கி வருகிறது. அதன்படி பெற்றோா்களில் (தாய் அல்லது தந்தை) இழந்து வறுமையில் வாடும் ஆண் மாணவா்கள் கல்வியை தொடரும் வகையில் இலவச படிப்பை, உணவு, தங்குமிடத்துடன் வழங்கி வருகிறது.

அதன்படி 5- ஆம் வகுப்பு வெற்றி பெற்றவா்கள் 6- ஆம் வகுப்பு (தமிழ் வழியில்) ராமகிருஷ்ண மிஷன் உறைவிட உயா்நிலைப்பள்ளியில் சோ்ந்து படிக்கலாம் . அதேபோல் 10- ஆம் வகுப்பில் 50 சதவீதம் மதிப்பெண்கள் பெற்று வெற்றி பெற்றவா்கள் முதலாம் ஆண்டு டிப்ளமோ படிப்பில் சேரலாம் பிளஸ் 2 தோ்ச்சி பெற்றவா்கள் நேரடியாக 2- ஆம் ஆண்டு டிப்ளமோ படிப்பில் சேரலாம். இதில் சேர விரும்புவா்கள் இணைய தளம் வாயிலாக விண்ணப்பிக்கலாம்.

மேலும் ஏதேனும் சந்தேகம் இருப்பின் இமெயில் அல்லது (044) 2499 0264 / 4210 7550 என்ற தொலை பேசி எண்ணில் தொடா்பு கொள்ளலாம் என அதில் தெரிவிக்கப்பட்டுள்ளது.