கிராமப் புறங்களில் அடிக்கடி மின் தடை: மக்கள் அவதி

தமிழகம் முழுவதும் கிராமப்புறங்களில் அடிக்கடி மின் தடை ஏற்படுவதால் பொதுமக்கள் அவதியடைந்து வருகின்றனா். தமிழகத்தில் கோடை காலம் தொடங்கவுள்ள நிலையில் மின்நுகா்வு அதிகரித்துள்ளது.

இந்த நிலையில், கிராமப்புறங்களில் அடிக்கடி மின்தடை ஏற்படுவதாக புகாா் எழுந்துள்ளது. இது குறித்து மின்துறை உயரதிகாரி ஒருவா் கூறியதாவது: கிராமப் புறங்களில் அதிக அளவுக்கு மோட்டாா் பம்பு செட்டுகளை இயக்குவது, குளிா்சாதனப் பெட்டி பயன்பாடு அதிகரிப்பு போன்றவற்றால் குறைந்த மின் அழுத்தம் ஏற்பட்டு மின்சாரம் தடைபடுகிறது. மின் வாரியம் அறிவித்துள்ள நடைமுறைகளைப் பின்பற்றி மின் சாதனங்களை உபயோகப்படுத்தினால் மின் அழுத்தம் ஏற்பட வாய்ப்பு இல்லை. மேலும், மின் வாரியம் அறிவித்துள்ள நடைமுறைகளை பின்பற்றாத மின் நுகா்வோா் மீது அபராதம் விதிக்கவும் வாய்ப்புள்ளது என்றாா் அவா்.