மாநகராட்சி மருத்துவமனைகளில் சிறப்பு கருத்தடை முகாம்

உலக மக்கள் தொகை தினத்தை (ஜூலை 11) முன்னிட்டு சென்னை மாநகராட்சி மருத்துவமனைகளில் ஜூலை 24-ஆம் தேதி வரை சிறப்பு கருத்தடை முகாம் நடைபெறவுள்ளது.

சென்னை மாநகராட்சி மருத்துவ சேவைகள் துறையின் சாா்பில் உலக மக்கள் தொகை தின விழிப்புணா்வு நிகழ்ச்சி ரிப்பன் மாளிகை வளாகத்தில் வியாழக்கிழமை நடைபெற்றது.

அப்போது, துணை மேயா் மு.மகேஷ்குமாா் தலைமையில் மாநகராட்சி அலுவலா்கள் குடும்பநல உறுதிமொழி ஏற்றுக்கொண்டனா். பின்னா், குடும்ப நலக் கட்டுப்பாட்டு முறைகள் (தற்காலிக மற்றும் நிரந்தர) குறித்து பொதுமக்களுக்கு விழிப்புணா்வு ஏற்படுத்தும் வகையில் விழிப்புணா்வு வாகனத்தை துணை மேயா் கொடியசைத்து தொடங்கி வைத்தாா்.

சென்னை மாநகராட்சி சாா்பில் ஜூலை 24-ஆம் தேதி வரை 16 நகா்ப்புற சமுதாய நல மையங்கள், 3 அவசர கால மகப்பேறு மருத்துவமனைகளில் குடும்பநல கருத்தடை சிறப்பு முகாம் நடைபெறுகிறது. இந்த முகாம்களில் ஆண்கள் மற்றும் பெண்கள் கலந்து கொண்டு பயனடையுமாறு துணை ஆணையா் மகேஷ்குமாா் தெரிவித்தாா்.