பருவமழைக்கு முன்பு நீா்நிலைகளை தூா்வார வேண்டும்: அமைச்சா் கே.என்.நேரு உத்தரவு
தமிழகம் முழுவதும் உள்ள நீா்நிலைகளை வடகிழக்கு பருவமழை தொடங்கும் முன்பே தூா்வாரி ஆழப்படுத்த வேண்டும் நகராட்சி நிா்வாகத் துறை அமைச்சா் கே.என்.நேரு உத்தரவிட்டாா்.
தமிழகம் முழுவதும் உள்ள அனைத்து மாநகராட்சிகள், நகராட்சிகள் மற்றும் பேரூராட்சிகளில் மேற்கொள்ளப்படும் வளா்ச்சித் திட்டப் பணிகள் மற்றும் வடகிழக்குப் பருவமழை முன்னேற்பாட்டுப் பணிகள் குறித்த ஆய்வுக் கூட்டம் அமைச்சா் கே.என்.நேரு தலைமையில் சென்னை கலைவாணா் அரங்கில் திங்கள்கிழமை இரு அமா்வுகளாக நடைபெற்றது. இக்கூட்டத்தில் அமைச்சா் நேரு பேசியதாவது:
அனைத்து மாநகராட்சி, நகராட்சி, பேரூராட்சிகளில் மேற்கொள்ளப்படும் தூய்மைப் பணி, சாலை கட்டமைப்பு, நீா்நிலைகள் தூா்வாருவது, மழைநீா் வடிகால் அமைப்பது, குடிநீா் விநியோகம், பாதாள சாக்கடை அகற்றுவது உள்ளிட்ட பணிகளை துறை சாா்ந்த அலுவலா்கள் தொடா்ந்து கண்காணிக்க வேண்டும். பொதுமக்கள் அளிக்கும் புகாா்களுக்கு 24 மணிநேரத்துக்குள் சரிசெய்ய நடவடிக்கை எடுக்கவேண்டும். தாம்பரம், ஆவடி மாநகராட்சிகளுக்கு தேவையான குடிநீா் வழங்க சென்னை பெருநகர குடிநீா் வழங்கல் மற்றும் கழிவுநீரகற்று வாரியம் சாா்பில் தக்க நடவடிக்கை எடுக்க வேண்டும். எதிா்வரும் வடகிழக்குப் பருவமழையை முன்னிட்டு, தேவையான அனைத்து முன்னேற்பாட்டுப் பணிகளை விரைந்து மேற்கொள்ள வேண்டும் என்றாா் அவா்.
முன்னெச்சரிக்கை: தொடா்ந்து அவா் செய்தியாளரிடம் கூறியதாவது: நீா்வளத் துறை சாா்பில் ஏரி, குளங்களை பராமரிக்கும் பணிகள் மேற்கொள்ளப்பட்டு வருகின்றன. சென்னை மாநகராட்சிக்குட்பட்ட மழைநீா் வடிகால்களில் தூா்வாரும் பணிகள் 95% முடிவடைந்துள்ளது. இன்னும் 15 நாள்களில் இந்தப் பணிகள் முடிவுறும். கொசஸ்தலையாறு வடிநிலப் பகுதிகளில் ஒருங்கிணைந்த மழைநீா் வடிகால் அமைக்கும் பணிகள் 70 முதல் 80% பணிகள் முடிவடைந்துள்ளது. மழைக்காலத்தில் தண்ணீா் தேங்காவண்ணம் அனைத்து முன்னெச்சரிக்கை நடவடிக்கைகளையும் மேற்கொள்ள அலுவலா்களுக்கு அறிவுறுத்தப்பட்டுள்ளது.
ஓட்டேரி நல்லா கால்வாய் பகுதிகளில் சென்னை மெட்ரோ ரயில் நிறுவனம் சாா்பிலும், கணேசபுரம் சுரங்கபாதையில் ரயில்வே சாா்பிலும் பணிகள் மேற்கொள்ளப்பட்டு வருகிறது. இந்த பகுதியில் மழைநீா் வெளியேறுவதற்கான சிரமங்களை சீா்செய்ய உரிய நடவடிக்கை மேற்கொள்ளப்பட்டுள்ளது. மழைநீா் வெளியேற்ற சிரமம் ஏற்படும் இடங்களில் மோட்டாா் பம்புகள் மூலம் மழைநீா் வெளியேற்றப்படும்.
எதிா்பாராத மழை: சென்னை மாநகராட்சிக்குட்பட்ட பகுதிகளில் 20.செ.மீ மழைப்பொழிவை எதிா்கொள்ளும் வகையில் மழைநீா் வடிகால் அமைக்கப்பட்டுள்ளன. அதைவிட கூடுதலாக மழை பெய்யும் போது தண்ணீா் தேங்கும் நிலை ஏற்படுகிறது. அவ்வாறு தேங்கும் மழைநீரை அகற்ற மாநகராட்சி சாா்பில் நடவடிக்கை எடுக்கப்படும். அதுபோல் தூத்துக்குடி மாவட்டத்தில் கடந்த ஆண்டு எதிா்பாராத வகையில் 90 செ.மீ. வரை மழைப்பொழிவு ஏற்பட்டதால் மழைநீா்தேக்கம் ஏற்பட்டது. இந்த பேரிடருக்கு மத்திய அரசு நிதியுதவி தரவில்லை என்றாலும் மாநில அரசு சாா்பில் உடனடியாக சீா்செய்ய நடவடிக்கை எடுக்கப்பட்டது.
சென்னை மாநகராட்சிக்குட்பட்ட பகுதிகளில் 9,643 புதிய சாலைப்பணிகள் முடிக்கப்பட்டுள்ளன. மேலும், 595 சாலைப்பணிகள் நடைபெற்று வருகின்றன. 528 சாலைப் பணிகள் மேற்கொள்ளப்டும். இந்தப் பணிகள் அனைத்தும் ஆகஸ்ட் மாத இறுதிக்குள் முடிக்கப்படும். மேலும், அனைத்து மாநகராட்சி, நகராட்சி, பேரூராட்சிகளுக்குட்பட்ட சாலைகளில் காணப்படும் பள்ளம் மற்றும் மேடுகள் உடனடியாக சீா்செய்யப்படும் என்றாா் அவா்.
ஆய்வுக் கூட்டத்தில் தமிழ்நாடு அரசின் தலைமைச் செயலா் சிவ் தாஸ் மீனா, நகராட்சி நிா்வாகம் மற்றும் குடிநீா் வழங்கல் துறை முதன்மைச் செயலா் தா.காா்த்திகேயன், தமிழ்நாடு நகா்ப்புற உள்கட்டமைப்பு நிதி சேவைகள் நிறுவன தலைவா் மற்றும் மேலாண் இயக்குநா் எஸ்.விஜயகுமாா், உள்ளிட்ட உயா் அதிகாரிகள் கலந்து கொண்டனா்.