விஜயவாடா வழியாக செல்லும் ரயில் சேவையில் மாற்றம்

சென்னை: விஜயவாடா வழியாக செல்லும் ரயில்கள் மாற்றுப் பாதையில் இயக்கப்படும் எனத் தெற்கு ரயில்வே அறிவித்துள்ளது.

இது குறித்து தெற்கு ரயில்வே சாா்பில் வெளியிடப்பட்ட செய்திக் குறிப்பு:

விஜயவாடா ரயில்வே கோட்டத்தில் ரயில்வே பராமரிப்புப் பணிகள் நடைபெறவுள்ளதால் அந்த வழியாகச் செல்லும் ரயில் சேவையில் மாற்றம் செய்யப்பட்டுள்ளது.

அதன்படி, கேரள மாநிலம் எா்ணாகுளத்தில் இருந்து பாலக்காடு, கோவை, திருப்பூா், ஈரோடு, சேலம், ஜோலாா்பேட்டை, காட்பாடி, பெரம்பூா் வழியாக பாட்னா செல்லும் அதிவிரைவு ரயில் (எண்: 22643) ஜூன் 10 முதல் ஜூன் 25-ஆம் தேதி வரை விஜயவாடாவில் இருந்து ஹூடிவாடா, நீடாடாவோலு வழியாக இயக்கப்படும்.

இதேபோல், பெங்களூரில் இருந்து ஜோலாா்பேட்டை, காட்பாடி, அரக்கோணம், பெரம்பூா் வழியாக குவஹாத்தி செல்லும் அதிவிரைவு ரயில்கள் (எண்: 06521, 12509) ஜூன் 28-ஆம் தேதி வரை விஜயவாடாவில் இருந்து ஹூடிவாடா, நீடாடாவோலு வழியாக இயக்கப்படும் எனத் தெரிவிக்கப்பட்டுள்ளது.