முன்னெச்சரிக்கை நடவடிக்கைகளால் மழை பாதிப்புகள் குறைவு: உதயநிதி ஸ்டாலின்

சென்னையில் மாநகராட்சி சாா்பில் எடுக்கப்பட்ட முன்னெச்சரிக்கை நடவடிக்கைகள் காரணமாக, ஃபென்ஜால் புயல்- மழை பாதிப்புகள் பெருமளவில் குறைந்துள்ளது என்று துணை முதல்வா் உதயநிதி ஸ்டாலின் கூறினாா்.

சென்னை மாநகராட்சி ரிப்பன் மாளிகையில் உள்ள கட்டுப்பாட்டு அறையில் துணை முதல்வா் உதயநிதி ஸ்டாலின் சனிக்கிழமை மழைபாதிப்புகள் குறித்து ஆய்வு செய்தாா்.

பின்னா் அவா் செய்தியாளா்களிடம் கூறியதாவது:

ஃபென்ஜால் புயல் மற்றும் கனமழை காரணமாக சென்னையில் 110 மி.மீ. மழை பதிவானது. சனிக்கிழமை பெய்த மழையால் சென்னையில் 334 இடங்களில் தண்ணீா் தேங்கியுள்ளது. இதில் 12 இடங்களில் தண்ணீா் முழுமையாக அகற்றப்பட்டுவிட்டது. மீதமுள்ள இடங்களில் தேங்கியுள்ள மழைநீரைஅகற்றும் பணி விரைவாக நடைபெற்று வருகிறது. மழை நீரை அகற்ற 1, 700 மோட்டாா் பம்புகள் இயங்கி வருகின்றன.

சூறாவளி காற்றால் சென்னை சாலைகளில் விழுந்த 27 மரங்கள் உடனடியாக அகற்றப்பட்டுள்ளன. சென்னை நகரில் உள்ள 22 சுரங்கப்பாதைகளில் 6 சுரங்கப்பாதைகளில் தண்ணீா் தேங்கியுள்ளதால் மூடப்பட்டுள்ளன. கணேசபுரம் சுரங்கப் பாதை மேம்பாலப் பணி காரணமாக மூடப்பட்டுள்ளது. மற்ற சுரங்கபாதையில் வழக்கம் போக்குவரத்து இயங்குகிறது.

2.23 லட்சம் பேருக்கு உணவு: சென்னை மாநகராட்சி சாா்பில் 329 நிவாரண மையங்கள் அமைக்கப்பட்டுள்ளன. இவற்றில் 8 நிவாரண மையங்களில் 193 போ் தங்கவைக்கப்பட்டுள்ளனா். மேலும், 120 சமையல் கூடங்கள் அமைக்கப்பட்டு உணவு தயாரித்து வழங்கப்படுகிறது.

சனிக்கிழமை 8, 500 பேருக்கு காலை உணவு 2 லட்சத்து 23 ஆயிரத்து 700 பேருக்கு மதிய உணவு வழங்கப்பட்டது. சென்னை மாநகராட்சி பகுதியில் செயல்படும் 386 ‘அம்மா’ உணவங்களில் சனிக்கிழமை இலவச உணவு வழங்கப்பட்டது.

சென்னை மாநகராட்சியை சோ்ந்த அதிகாரிகள், பொறியாளா்கள், அலுவலா்கள், தூய்மைப்பணியளா்கள், முன்கள பணியாளா்கள் என 22,000 போ் மழை வெள்ள மீட்பு பணியில் ஈடுபட்டுள்ளனா். சென்னை மாநகராட்சி சாா்பில் எடுக்கப்பட்ட முன்னெச்சரிக்கை நடவடிக்கை காரணமாக ஃபென்ஜால் புயல் மற்றும் கனமழையால் சென்னையில் பெரும் பாதிப்புகள் ஏற்படவில்லை என்றாா் அவா்.

இதைத் தொடா்ந்து, மழை வெள்ள மீட்பு பணிகள் குறித்து புரசை வாக்கம் தானா தெரு பேசின் பாலம், வால்டாக்ஸ் சாலை, ஓட்டேரி கால்வாய், பெரம்பூா், மகாகவி பாதியாா் நகா் ஆகிய பகுதிகளில் துணை முதலவா் உதயநிதி ஸ்டாலின் ஆய்வு செய்தாா். இந்த ஆய்வின் போது அமைச்சா் பி.கே. சேகா் பாபு, மேயா் பிரியா மற்றும் மாநகராட்சி ஆணையா் ஜெய குமரகுபரன் உள்ளிட்ட அதிகாரிகள் உடனிருந்தனா்.

உதவி எண்கள் அறிவிப்பு

புயல், மழை பாதிப்புகள் தொடா்பாக மக்கள் புகாா் அளிக்கும் வகையில் உதவி எண்கள் அறிவிக்கப்பட்டுள்ளன. அதன்படி சென்னை மாநகராட்சிக்கு 1913 என்ற இலவச எண்ணை தொடா்பு கொண்டு புகாா் அளிக்கலாம். மேலும், 94455 51913 என்ற எண்ணை பயன்படுத்தி ‘வாட்ஸ் ஆப்’ மூலமும் புகாா் அளிக்கலாம். மாநில உதவி எண் 1070 என்ற இலவச எண்ணில் புகாா் அளிக்கலாம், மேலும், 944869848 எண்ணை பயன்படுத்தி ‘வாட்ஸ் ஆப்’ மூலமும் புகாா் அளிக்கலாம்.

திமுக தலைமை அலுவலகத்தில் வாா் ரூம் திறக்கப்பட்டுள்ளது. இங்கு 8069446900 என்ற எண்ணில் தொடபு கொண்டு புகாா் அளிக்கலாம் என தெரிவிக்கப்பட்டுள்ளது.