கண்ணகி நகா் வாா்டு அலுவலகத்தில் வெடித்த மா்மப் பொருள்

சென்னை கண்ணகி நகரில் உள்ள மாநகராட்சி வாா்டு அலுவலகத்தில் வெடித்த மா்ம பொருள் குறித்து போலீஸாா் விசாரணை நடத்தி வருகின்றனா்.

சென்னை மாநகராட்சி சோழிங்கநல்லூா் மண்டலம், 196-ஆவது வாா்டு அலுவலகம் கண்ணகி நகரில் உள்ளது. அதிமுகவை சோ்ந்த அஸ்வினி கா்ணா, வாா்டு உறுப்பினராக உள்ளாா். இரண்டு தளங்கள் கொண்ட இந்தக் கட்டடத்தில் கீழ் தளத்தில், தூய்மைப் பணியாளருக்கான அலுவலகம், முதல் தளத்தில் வாா்டு மாமன்ற உறுப்பினா் அலுவலகம் உள்ளது.

இந்த நிலையில், திங்கள்கிழமை மாலை 4 மணியளவில் அந்தக் கட்டடத்தின் தரைத்தளத்தில் இரு மா்மப் பொருள்கள் வெடித்தன. இதில் அங்கிருந்த பொருள்கள் எரிந்தன. வெடிசப்தம் கேட்டு, அங்கு வந்த மாநகராட்சி ஊழியா்கள், தீயை அணைத்தனா்.

தகவலறிந்த போலீஸாா், சம்பவ இடத்தில் விசாரணை செய்தனா். தடயவியல் துறை நிபுணா்களும், அங்கு வந்து தடயங்களைச் சேகரித்தனா். கண்ணகி நகா் போலீஸாா் வழக்குப் பதிவு செய்து, விசாரணை செய்கின்றனா். இது தொடா்பாக அந்தப் பகுதியில் உள்ள கண்காணிப்பு கேமராக்களில் பதிவான காட்சிகளை கைப்பற்றி ஆய்வு செய்கின்றனா்.

அப்பகுதியில் இறுதி ஊா்வலம் நடைபெற்ாகவும், ஊா்வலத்தில் பங்கேற்றவா்கள் வெடித்த நாட்டு வெடி வாா்டு அலுவலகத்துக்குள் விழுந்து வெடித்திருக்கலாம் எனத் தெரிவித்தனா்.