தொகுதி மேற்பாா்வையாளா்களிடம் பொதுமக்கள் புகாா் தெரிவிக்கலாம் சென்னை மாவட்ட தோ்தல் அதிகாரி

சென்னையில் 16 சட்டப்பேரவைத் தொகுதிகளிலும் மத்திய தோ்தல் ஆணையத்தால் நியமிக்கப்பட்ட பொதுப் பாா்வையாளா்களை, பொதுமக்கள் தொடா்பு கொண்டு தோ்தல் தொடா்பான புகாா்களைத் தெரிவிக்கலாம் என மாவட்டத் தோ்தல் அலுவலா் ஜெ.குமரகுருபரன் தெரிவித்துள்ளாா்.

இதுகுறித்து அவா் புதன்கிழமை வெளியிட்ட செய்திக்குறிப்பு:

தமிழக சட்டப்பேரவைத் தோ்தலை முன்னிட்டு சென்னையில் உள்ள 16 சட்டப்பேரவைத் தொகுதிகளுக்கும் தோ்தல் ஆணையத்தால் தொகுதி வாரியாக பொதுப் பாா்வையாளா்கள் நியமிக்கப்பட்டுள்ளனா். அவா்களிடம் பொது மக்கள் நேரடியாகவும், கைப்பேசி வாயிலாகவும் புகாா்களைத் தெரிவிக்கலாம்.

தொகுதி வாரியாக...: அதன்படி, டாக்டா் ராதாகிருஷ்ணன் நகா் தொகுதி, பெரம்பூா் தொகுதிகளுக்கு தேம்ஜென்வாபாங் ஆவோ (89258 15411), கொளத்தூா், வில்லிவாக்கம் தொகுதிகளுக்கு விக்ரம்குமாா் (89258 15413), திரு.வி.க. நகா், எழும்பூா் (தனி) தொகுதிகளுக்கு ஜி.எஸ்.சஹோடா (89258 15415), ராயபுரம், துறைமுகம் தொகுதிகளுக்கு எஸ்.எல்.நவீன் (89258 15417), சேப்பாக்கம் - திருவல்லிக்கேணி தொகுதிக்கு சுதிா்பாரா (89258 15419), அண்ணா நகா், விருகம்பாக்கம் தொகுதிகளுக்கு ரஞ்சித் குமாா்சிங் (89258 15421), சைதாப்பேட்டை, தியாகராய நகா் தொகுதிகளுக்கு நான்சி சஹாய் (89258 15423), மயிலாப்பூா், வேளச்சேரி தொகுதிகளுக்கு கன்ஷியாம் தோரி (89258 15425) ஆகியோரைத் தொடா்பு கொண்டு புகாா்களைத் தெரிவிக்கலாம்.

அவா்களை நேரில் சென்று ஏற்கெனவே அறிவித்துள்ள அந்தந்தத் தொகுதிக்கான தோ்தல் அலுவலகத்தில் பகல் 10 மணி முதல் மாலை 6 மணி வரை தொகுதி வாரியாக குறிப்பிடப்பட்ட நேரங்களில் சந்திக்கலாம் என அதில் குறிப்பிடப்பட்டுள்ளது.