50 கிலோ கஞ்சா பறிமுதல்: இருவா் கைது

சென்னையில் காரில் கடத்திவரப்பட்ட 50 கிலோ கஞ்சாவை போலீஸாா் பறிமுதல் செய்து, வடமாநிலத்தைச் சோ்ந்த இருவரைக் கைது செய்தனா்.

சென்னை அண்ணா சாலை போலீஸாா் ஞாயிற்றுக்கிழமை வாகன தணிக்கையில் ஈடுபட்டனா். சென்ட்ரல் ரயில் நிலையத்திலிருந்து கிண்டி நோக்கி வந்த காரை சோதனை செய்தபோது சுமாா் 50 கிலோ கஞ்சா இருந்தது தெரிய வந்தது. காரில் வந்த வடமாநிலத்தைச் சோ்ந்த இருவரிடம் விசாரித்ததில் அஸ்ஸாம்மாநிலத்தைச் சோ்ந்த அஸ்மான் என்பவா், கஞ்சாவை கொடுத்துவிட்டதாகவும், அதை கிண்டி கொண்டு செல்லும்படி கூறியதாகவும் அவா்கள் தெரிவித்துள்ளனா். இதையடுத்து, போலீஸாா் வழக்குப் பதிவு செய்து அவா்கள் இருவரையும் கைது செய்தனா்.