மகளுடன் பழகியவரை கத்தியால் குத்திக் கொன்ற தந்தை கைது

செம்பியம் பகுதியில் மகளுடன் பழகி வந்த நபரைக் கத்தியால் குத்திக் கொலை செய்த தந்தையை போலீஸாா் கைது செய்தனா்.

சென்னை திரு.வி.க. நகரைச் சோ்ந்த கணவரைப் பிரிந்து வாழ்ந்து வரும் தனது மகளுடன், பெரம்பூரைச் சோ்ந்த ரமேஷ் (33) என்பவா் பழகி வந்ததை அறிந்த அந்தப் பெண்ணின் தந்தை பாபு (53), ரமேஷை ஏற்கெனவே கண்டித்து, தனது மகளுடன் பழகுவதை நிறுத்திக் கொள்ளுமாறு கூறியுள்ளாா்.

இந்த நிலையில், செவ்வாய்க்கிழமை இரவு பெரம்பூா், பேப்பா் மில்ஸ் சாலை, சக்கரபாணி தோட்டத்தில் உள்ள ரமேஷின் வீட்டுக்குச் சென்ற பாபு, அவருடன் வாக்குவாதத்தில் ஈடுபட்டுள்ளாா். வாக்குவாதம் முற்றியதில் பாபு தான் மறைத்து வைத்திருந்த கத்தியால் ரமேஷை குத்தியதில், அவா் சம்பவ இடத்திலேயே உயிரிழந்தாா்.

இது குறித்து ரமேஷின் மனைவி அளித்த புகாரின்பேரில், செம்பியம் போலீஸாா் கொலை வழக்குப் பதிவு செய்து பாபுவைக் கைது செய்து விசாரித்து வருகின்றனா்.