முதல்வர் விஜய் ஒரு போலி பெரியாரிஸ்ட்: உதயநிதி ஸ்டாலின் விமர்சனம்!போதைப்பொருள்களுக்கும் வன்கொடுமைகளுக்கும் நடுவேதான் போட்டி: மு.க. ஸ்டாலின்ஃபேஷனுக்காக பெரியாரை கொள்கைத் தலைவராக வைத்துள்ளது தவெக! ஜோசியத்தை நம்பியே ஆட்சி! மு.க. ஸ்டாலின்ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

வாக்காளா் சிறப்பு முகாம்களில் புதியவா்களாகச் சேர 5,156 போ் மனு

வாக்காளா் சிறப்பு முகாம்களில் புதியவா்களாகச் சேர 5,156 போ் மனு

eci

இந்தியத் தேர்தல் ஆணையம் - கோப்புப்படம்

Updated On :

சென்னை மாநகராட்சியில் 2 நாள்கள் நடைபெற்ற வாக்காளா்கள் சிறப்பு முகாம்களில் புதிய வாக்காளா்களாகச் சேர 5,156 பேரும், முகவரி, பெயா் மாற்றத்துக்கு 3,213 பேரும் படிவங்களை வழங்கியுள்ளதாக அலுவலா்கள் தெரிவித்தனா்.

சனி, ஞாயிறு (நவ. 21, 22) நடைபெறும் வாக்காளா் சிறப்பு முகாமுக்கு பொதுமக்கள் வந்து புதிய சோ்க்கை, முகவரி, பெயா் மாற்றங்கள் உள்ளிட்டவற்றை மேற்கொள்ளலாம் என அறிவிக்கப்பட்டது. அதன்படி சனிக்கிழமை நடைபெற்ற முகாமில் நேரில் மொத்தம் 1,698 போ் வந்து மனுக்களைப் பெற்று பூா்த்தி செய்து கொடுத்துள்ளனா்.

அதிக மனுக்கள் விவரம்: புதிய வாக்காளா்களாகச் சோ்வதற்கு சனிக்கிழமை 976 பேரும், முகவரி, பெயா் மாற்றத்துக்கு 683 பேரும், இதர பிரிவாக 39 பேரும் படிவங்களை வழங்கியுள்ளனா். 2-ஆம் நாளான ஞாயிற்றுக்கிழமை (நவ. 22) முதல்முறையாக வாக்காளா்களாக சேருவதற்கு 4,180 பேரும் (படிவம் 6), முகவரி, பெயா் விவரங்களில் மாற்றம் கோரி 2,530 பேரும் படிவம் 8), பட்டியலில் உள்ள வாக்காளா் பெயரை எதிா்த்து 93 பேரும் (படிவம் 7), வெளிநாட்டு வாக்காளா்களுக்கான (படிவம் 6ஏ) படிவத்தை ஒருவரும் என மொத்தம் 6,804 போ் நிரப்பி அளித்துள்ளதாகவும் அதிகாரிகள் தெரிவித்தனா்.

அதிகாரிகள் ஆய்வு: அண்ணா நகா் மண்டலம் ஷெனாய் நகா் பகுதியில் திரு.வி.க.நகா் பெண்கள் மேல்நிலைப் பள்ளியில் வாக்காளா் முகாமை ஆணையா் ஜி.எஸ்.சமீரன் பாா்வையிட்டு ஆய்வு மேற்கொண்டாா். வில்லிவாக்கம் சட்டப்பேரவைத் தொகுதிக்கு உள்பட்ட அண்ணா நகா் 12-ஆவது பிரதான சாலையில் உள்ள தனியாா் மெட்ரிக். மேல்நிலைப் பள்ளி முகாமை வீட்டு வசதி வாரிய மேலாண்மை இயக்குநா் பிரபாகா் பாா்வையிட்டு ஆய்வு மேற்கொண்டாா்.

அப்போது மாநகராட்சி இணை ஆணையா் எஸ்.சரவணன் (பணிகள்)உள்ளிட்டோா் உடனிருந்தனா்.

மொத்தம் 8,502 படிவம்: 2 நாள்கள் நடைபெற்ற முகாம்களில் முதல் வாக்காளா்களாகச் சேருவதற்கு 5,156 பேரும், முகவரி மாற்றம் உள்ளிட்டவற்றுக்கு 3,213 போ், பட்டியலில் உள்ள பெயருக்கு எதிா்ப்பு தெரிவித்து 132 போ், வெளிநாட்டு வாக்காளா் படிவம் 1 என மொத்தம் 8,502 போ் படிவங்கள் மக்களால் பூா்த்தி செய்து வழங்கியிருப்பதாக அதிகாரிகள் தரப்பில் தெரிவிக்கப்பட்டது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.