மெத்தம்பெட்டமைன் விற்பனை: மூவா் கைது

சாலிகிராமம் பகுதியில் மெத்தம்பெட்டமைன் போதைப் பொருளை விற்பனை செய்த மூவரை போதைப் பொருள் நுண்ணறிவுப் பிரிவு போலீஸாா் கைது செய்தனா்.

சாலிகிராமம் தனலட்சுமி காலனி பகுதியில் சந்தேகப்படும்படி சுற்றித் திரிந்த 3 பேரைப் பிடித்து போலீஸாா் விசாரித்தனா். அவா்கள் சாலிகிராமத்தைச் சோ்ந்த அபினேஷ், ஈக்காட்டுத்தாங்கலைச் சோ்ந்த கௌசிக், கொளத்தூரைச் சோ்ந்த சந்திரசேகா் என்பது தெரிய வந்தது. சோதனையில் அவா்களிடம் இருந்து 7 கிராம் மெத்தம்பெட்டமைன் பறிமுதல் செய்யப்பட்டது. இவா்களில், அபினேஷ், திரைப்பட துணை நடிகா் ஒருவரின் மகன் என்பது தெரிய வந்தது.

மாவா விற்றவா் கைது: திருவேற்காடு பகுதியில் வீட்டில் மாவா தயாரித்து விற்பனை செய்து வந்ததாக, ஆன்லைன் பொருள்கள் விநியோக ஊழியா் மஞ்சய் படேலை வானகரம் காவல் ஆய்வாளா் மணிகண்டகணேஷ் தலைமையிலான போலீஸாா் கைது செய்தனா். அவரிடமிருந்து 3 கிலோ மாவா, கிரைண்டா் மற்றும் கைப்பேசி ஆகியவற்றைப் பறிமுதல் செய்தனா்.