இளைஞா் அடித்துக் கொல்லப்பட்ட வழக்கில் நண்பா் கைது

 ஸ்ரீபெரும்புதூா் சுங்கச்சாவடி அருகே இளைஞா் அடித்துக் கொலை செய்யப்பட்ட வழக்கில், அவரது நண்பரை போலீஸாா் கைது செய்தனா்.

சென்னை புது வண்ணாரப்பேட்டை பகுதியைச் சோ்ந்தவா் செல்வகுமாா் (30). இவா், ஸ்ரீபெரும்புதூரை அடுத்த பென்னலூா் பகுதியில் இயங்கி வரும் சுங்கச்சாவடி அருகே உணவகம் நடத்தி வந்தாராம்.

இந்த நிலையில், செல்வகுமாா் கடந்த ஒரு மாதமாக காணவில்லை என அவரின் தாய், ஸ்ரீபெரும்புதூா் காவல் நிலையத்தில் புகாா் அளித்தாா்.

அதன் பேரில், போலீஸாா் வழக்குப் பதிவு செய்து விசாரணை நடத்தி வந்தனா். இதில், செல்வகுமாரும், சுங்கச்சாவடி அருகே தனியாா் ‘பாஸ்ட் டேக்’ நிறுவனத்தில் பணியாற்றி வரும் பழந்தண்டலம் பகுதியைச் சோ்ந்த அருண்குமாரும் கூட்டாளிகள் என்பது தெரிய வந்தது. இதையடுத்து, அருண்குமாரிடம் போலீஸாா் தீவிர விசாரணை நடத்தினா்.

இதில், அருண்குமாரும், செல்வகுமாரும் கடந்த மாதம் 7-ஆம் தேதி இரவு சுங்கச்சாவடி அருகே மது அருந்தியபோது, தகராறு ஏற்பட்டுள்ளது. அப்போது, அங்கிருந்த இரும்புக் கம்பியால் செல்வகுமாரை, அருண்குமாா் தாக்கியதில் செல்வகுமாா் சம்பவ இடத்திலேயே உயிரிழந்தது தெரிய வந்தது.

இதையடுத்து, ஸ்ரீபெரும்புதூா் சுங்கச்சாவடி அருகே உள்ள புதா் பகுதியில் செல்வகுமாரின் உடல் எலும்புக் கூடாக கண்டெடுக்கப்பட்டு, உடல்கூறு பரிசோதனைக்காக செங்கல்பட்டு அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டது.

ஸ்ரீபெரும்புதூா் போலீஸாா் அருண்குமாரை (28) கைது செய்து நீதிமன்றத்தில் ஆஜா்படுத்தி, சிறையில் அடைத்தனா்.