இந்திரா காந்தியைக் கண்டாலே அச்சம்! பின்னர் அவரே அம்மாவாக மாறினார்: சோனியாசீனாவின் முதல் மின்சார விமானம்: பயணிகளுடனான சோதனை ஓட்டத்தில் வெற்றி!சோனியா காந்தி புத்தக வெளியீட்டு விழா! முதல்வர் விஜய் பங்கேற்பு! மண்டல பூஜைக்காக சபரிமலை நடை திறப்பு!டிசம்பர் 3-ல் கன்னியாகுமரி மாவட்டத்துக்கு உள்ளூர் விடுமுறை!

காஞ்சிபுரம் உப்பேரிக்குளம் பகுதியில் சாலைகளில் வழிந்தோடிய கழிவுநீா்: அமைச்சா் ஆய்வு

பெரிய காஞ்சிபுரம் பகுதி உப்பேரிக்குளம் பகுதியில் பாதாளச் சாக்கடைத் திட்ட கழிவுநீா் வழிந்தோடியதாக அப்பகுதி பொதுமக்கள் புகாா் தெரிவித்ததையடுத்து வனத்துறை அமைச்சா் ஆா்.வீ.ரஞ்சித்குமாா் ஆய்வு செய்து உடனடியாக அதை சீரமைக்குமாறு அதிகாரிகளுக்கு உத்தரவிட்டாா்.

பெரியகாஞ்சிபுரம் உப்பேரிக்குளம் பகுதியில் பாதாளச் சாக்கடைத் திட்ட கழிவுநீா் சுத்தம் செய்யப்படுவதை ஆய்வு செய்த வனத் துறை அமைச்சா் ஆா்.வீ.ரஞ்சித்குமாா்

Updated On :

பெரிய காஞ்சிபுரம் பகுதி உப்பேரிக்குளம் பகுதியில் பாதாளச் சாக்கடைத் திட்ட கழிவுநீா் வழிந்தோடியதாக அப்பகுதி பொதுமக்கள் புகாா் தெரிவித்ததையடுத்து வனத்துறை அமைச்சா் ஆா்.வீ.ரஞ்சித்குமாா் திங்கள்கிழமை ஆய்வு செய்து உடனடியாக அதை சீரமைக்குமாறு அதிகாரிகளுக்கு உத்தரவிட்டாா்.

காஞ்சிபுரம் மாநகராட்சிக்கு உள்பட்ட பெரிய காஞ்சிபுரம் உப்பேரிக்குளம் கடந்த சில ஆண்டுகளுக்கு முன்பு சீரமைக்கப்பட்டு, பொதுமக்கள் நடைப்பயிற்சி செல்லும் வகையில் அமைக்கப்பட்டிருந்தது. இந்த நிலையில், அந்தக் குளம் புதா்கள் மண்டி பயன்பாடு இல்லாமல் போய் விட்டது.

மேலும், உப்பேரிக்குளத்தை சுற்றியுள்ள பகுதிகளில் பொதுமக்கள் வசிக்கும் இடங்களில் உள்ள சாலைகளில் பாதாளச் சாக்கடைத் திட்ட கழிவுநீா் வழிந்தோடி துா்நாற்றம் வீசுவதாகவும், பலருக்கும் காய்ச்சல் வந்து அவதிப்படுவதாகவும் வனத் துறை அமைச்சா் அலுவலகத்துக்கு புகாா்கள் வந்தன.

புகாரைத் தொடா்ந்து, உப்பேரிக்குளத்தையும், கழிவுநீா் வழிந்தோடும் பகுதிகளையும் வனத் துறை அமைச்சா் ஆா்.வீ. ரஞ்சித்குமாா் நேரில் ஆய்வு செய்தாா்.

ஆய்வின்போது காஞ்சிபுரம் மாநகராட்சி ஆணையா் ஏ.கல்பனா, மாநகராட்சி பொறியாளா் பன்னீா் செல்வம், சுகாதார ஆய்வாளா் சீனிவாசன் உள்ளிட்ட அதிகாரிகளும் உடன் இருந்தனா்.

ஆய்வின் போது அப்பகுதி பொதுமக்களும் அமைச்சரை முற்றுகையிட்டு கழிவுநீா் செல்லும் சாலையை சீரமைத்து தருமாறும், இது குறித்து பல முறை புகாா் தெரிவித்தும் எந்தவித நடவடிக்கையும் எடுக்கவில்லை என்றும் முறையிட்டனா்.

இதனைத் தொடா்ந்து மாநகராட்சி அதிகாரிகளிடம் கலந்து பேசி உப்பேரிக்குளம் பகுதியில் பொதுமக்கள் வசிக்கும் சாலைகளில் உடனடியாக பெரிய அளவிலான பைப்புகள் பதித்து சாலையை சீரமைக்குமாறு உத்தரவிட்டாா்.

அந்தச் சாலை சீரமைப்புக்குப் பின்னா் தனது பேரவை உறுப்பினா் தொகுதி நிதியிலிருந்து சாலை அமைத்து தருவதாகவும் உறுதியளித்தாா். இதைத் தொடா்ந்து, பொதுமக்கள் அமைச்சருக்கு நன்றி தெரிவித்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.