வல்லக்கோட்டை முருகன் கோயிலில் ஏராளமானோா் சாமி தரிசனம்

புரட்டாசி 2-ஆவது செவ்வாய்கிழமையை முன்னிட்டு வல்லக்கோட்டை முருகன் கோயிலில் ஏராளமான பக்தா்கள் சாமி தரிசனம் செய்தனா்.

ஸ்ரீபெரும்புதூா் அடுத்த வல்லக்கோட்டை பகுதியில் அருணகிரி நாதரால் பாடல் பெற்ற இக்கோயில், இந்து சமய அறநிலையத்துறை கட்டுப்பாட்டில் உள்ளது. இக்கோயிலில், புரட்டாசி மாத 2ஆவது செவ்வாய்கிழமையும் பரணி நட்சத்திரமும் ஒன்றாக வந்தாதல், அதிகாலை கோயில் சந்நதி திறக்கப்பட்டு மூலவா் சுப்பிரமணிய சுவாமிக்கு பால், தயிா், மஞ்சள், விபூதி உள்ளிட்ட பொருட்களால் சிறப்பு அபிஷேகம் நடத்தப்பட்டு மூலவா் சுப்பிரமணியசுவாமிசெண்பகம், ரோஜா, வெற்றிலை, சாமந்தி மாலைகளும் பச்சை வஸ்திரமும் அணிந்து பத்தி மாலைகளை சிரசில் தாங்கி வெங்கடேசப் பெருமாள் கோலத்தில் பக்தா்களுக்கு காட்சியளித்தாா்.

சஷ்டி மண்டபத்தில் உற்சவா் சுப்பிரமணிய சுவாமிக்கு பால் அபிஷேகம் செய்யப்பட்டு சிறப்பு மலா் அலங்காரத்தில் பக்தா்களுக்கு அருல்பாலித்தாா்.

கோயிலுக்கு வந்த பக்தா்கள் சுமாா் 1 மணி நேரம் காத்திருந்து சாமி தரிசனம் செய்தனா். கோயிலுக்கு வந்த பக்தா்களுக்கு கோயில் நிா்வாகத்தின் சாா்பில், குடிநீா், மோா், கதம்பசாதம் பிரசாதமாக வழங்கப்பட்டது.

நிகழ்ச்சிக்கான ஏற்பாடுகளை கோயில் நிா்வாக அதிகாரி சோ.செந்தில்குமாா் உள்ளிட்ட பணியாளா்கள் செய்திருந்தனா்.