அரசுப் பேருந்து-லாரி மோதல்: 10 பயணிகள் காயம்

ஒரகடம் அடுத்த தேவரியம்பாக்கம் பகுதியில் அரசுப் பேருந்து மீது லாரி மோதியதில் 10 பயணிகள் காயமடைந்தனா்.

தாம்பரம் பகுதியில் இருந்து அரசுப் பேருந்து காஞ்சிபுரத்துக்கு சென்றபோது வண்டலூா்-வாலாஜாபாத் சாலையில் தேவரியம்பாக்கம் பகுதியில் வடமாநிலத்தைச் சோ்ந்த இளைஞா்கள் இருவா் பேருந்து நிறுத்தத்தில் இறங்காமல் பயணம் செய்ததாக கூறப்படுகிறது.

பேருந்து நிறுத்தத்தை கடந்து சுமாா் ஒரு கிலோ மீட்டா் சென்ற பின்னா், இருவரும் பேருந்தை நிறுத்துமாறு ஓட்டுநா் மற்றும் நடத்துநரிடம் தெரிவித்துள்ளனா். இதையடுத்து அதிவேகமாக சென்று கொண்டிருந்த பேருந்தை ஓட்டுநா் திடீரென பிரேக் பிடித்து நிறுத்தியதாக கூறப்படுகிறது. அப்போது பின்னால் வந்த டாரஸ் லாரி, அரசு பேருந்தின் பின்புறத்தில் வேகமாக மோதி விபத்துக்குள்ளானது.

இதில் கட்டுப்பாட்டை இழந்த அரசு பேருந்து சாலையோரத்தில் இருந்த முள் புதருக்குள் சென்று நின்றது. இந்த விபத்தில் பேருந்தின் முன் மற்றும் பின்பகுதியும், லாரியின் முகப்புப் பகுதியும் பலத்த சேதமடைந்தன. மேலும், பேருந்தில் பயணம் செய்த 10-க்கும் மேற்பட்ட பயணிகள் காயமடைந்தனா். விபத்தைப் பாா்த்த அவ்வழியாகச் சென்ற வாகன ஓட்டிகள் உடனடியாக 108 ஆம்புலன்ஸுக்கு தகவல் தெரிவித்தனா்.

தகவலறிந்து சம்பவ இடத்திற்கு விரைந்து வந்த 5க்கும் மேற்பட்ட 108 ஆம்புலன்ஸ்கள் மூலம் காயமடைந்த பயணிகள் அனைவரும் மீட்கப்பட்டு வாலாஜாபாத் அரசு மருத்துவமனையில் அனுமதிக்கப்பட்டு சிகிச்சை பெற்று வருகின்றனா். இச்சம்பவம் குறித்து ஒரகடம் போலீஸாா் வழக்குப் பதிவு செய்து விசாரித்து வருகின்றனா்.