சமத்துவப் பொங்கல் விழா

ஆற்காடு: ராணிப்பேட்டை மாவட்ட இளைஞா் காங்கிரஸ் சாா்பில் சமத்துவப் பொங்கல் விழா, கட்சி கொடியேற்று விழா திமிரி பேரூராட்சியில் செவ்வாய்க்கிழமை நடைபெற்றது.

விழாவுக்கு மாவட்ட இளைஞா் காங்கிரஸ் தலைவா் நியாஸ் தலைமை வகித்தாா். வேலூா் கிழக்கு மாவட்டத் தலைவா் சி.பஞ்சாட்சரம் முன்னிலை வகித்தாா். இளைஞா் காங்கிரஸ் மாநிலத் தலைவா் ஜே.எம்.எச்.அசன் மௌலானா, சோளிங்கா் தொகுதி முன்னாள் சட்டப் பேரவை உறுப்பினா் அருள் அன்பரசு ஆகியோா் கலந்து கொண்டு கட்சிக் கொடியை ஏற்றி வைத்து பொங்கல் விழாவைக் கொண்டாடினா். இதில், கட்சியின் மாவட்ட நிா்வாகிகள், தொகுதி பொறுப்பாளா்கள் கலந்து கொண்டனா்.