ராணிப்பேட்டை மாவட்ட காவல்துறையில் சோ்வோம்-எழுவோம் ரோந்து முறை அறிமுகம்

ராணிப்பேட்டை மாவட்டக் காவல் துறை சாா்பில், பொதுமக்களுக்கும் காவல் துறைக்குமான உறவை மேம்படுத்தும் விதமாக சோ்வோம்- எழுவோம் என்ற ரோந்து முறை அறிமுக விழா ஆற்காட்டை அடுத்த வேப்பூரில் சனிக்கிழமை நடைபெற்றது.

நிகழ்ச்சிக்கு, மாவட்டக் காவல் துறை கண்காணிப்பாளா் தீபாசத்தியன் தலைமை வகித்து பேசியது:

ராணிப்பேட்டை மாவட்ட அனைத்து காவல் நிலையத்துக்கு உள்பட்ட எல்லைகள் முழுவதும் 55 ரோந்துகளாகப் பிரிக்கப்பட்டு, சுழற்சி முறையில் காவலா்கள் ரோந்துப் பணியில் ஈடுபட்டு வருகின்றனா். இதன்மூலம் காவலா்கள் அவா்களின் எல்லைக்குள்பட்ட பகுதிகளில் ஒரு நாளைக்கு குறைந்தது பத்து நபா்களுடன் நேரடி தொடா்பை ஏற்படுத்திக் கொண்டு, அவா்களின் இருப்பிடம், குடும்ப விவரங்களை அறிந்து, அவா்களுக்கு ரோந்து முறை குறித்து விழிப்புணா்வை ஏற்படுத்த வேண்டும்.

அவா்களுக்கு தொடா்பு எண்கள் அடங்கிய துண்டுப் பிரசுரம் அளித்து, அவா்களுடன் நல்லுறவை ஏற்படுத்திக் கொள்ள வேண்டும். இதன்மூலம் அப்பகுதியில் நடைபெறும் குற்றச் சம்பவங்கள், குற்றவாளிகள் குறித்த தகவல்கள் அனைத்து விதமான சமூகப் பிரச்னைகள் ஆதரவற்றோா் குறித்த விவரங்கள், இளைஞா்களை பாதிக்கக்கூடிய விஷயங்கள் என அனைத்து விதமான தகவல்களையும் உடனுக்குடன் பெற்றுக் கொண்டு, குற்றங்கள் நிகழாத வண்ணம் தடுப்பு நடவடிக்கை மேற்கொள்ள உதவும். இதனால் பொது மக்களுக்கும், காவல் துறையினருக்கும் இணக்கமான சூழலை ஏற்படுத்த ஏதுவாக இருக்கும் என்றாா் அவா்.

மேலும் அவா் கூறுகையில், சிறப்பாக செயல்படும்போது காவலா்களும், சிறந்த தகவல் தரும் பொதுமக்களும் மாதாந்திர குற்ற ஆய்வுக் கூட்டத்தில் பரிசு வழங்கி கௌரவிக்கப்படுவா் என்றாா் அவா்.

இதில், மாவட்டக் கூடுதல் கண்காணிப்பாளா் பி.முத்துகருப்பன், ராணிப்பேட்டை துணைக் கண்காணிப்பாளா் பிரபு, ஆய்வாளா்கள் புகழேந்தி, கணேசன், விநாயகமூா்த்தி, உதவி ஆய்வாளா்கள் உள்ளிட்ட காவல் துறையினா் பலா் கலந்து கொண்டனா்.