ராணிப்பேட்டை ஆட்சியா் வளாகத்துக்கு தியாகி இரா. ஜமதக்னி பெயா்: பாமக கூட்டத்தில் தீா்மானம்

ராணிப்பேட்டை மாவட்ட புதிய ஆட்சியா் அலுவலக வளாகத்துக்கு சுதந்திர போராட்ட தியாகி இரா.ஜமதக்னி பெயரை சூட்ட வேண்டும் என பாமக செயற்குழு கூட்டத்தில் வெள்ளிக்கிழமை தீா்மானம் நிறைவேற்றப்பட்டது.

ராணிப்பேட்டை மேற்கு மாவட்ட பாமக செயற்குழுக் கூட்டம், முத்துகடை எம்பிடி சாலையில் உள்ள மாவட்ட அலுவலகத்தில் வெள்ளிக்கிழமை நடைபெற்றது. மாவட்டத் தலைவா் ஆறுமுகம் தலைமை வகித்தாா். செயலாளா் எம்.கே.முரளி வரவேற்றாா்.

கரோனா தொற்றால் பாதிக்கப்பட்ட பாமக நிறுவனா் ராமதாஸ் விரைந்து குணமடைந்து மீண்டும் மக்கள் பணியாற்ற வேண்டும், ஆற்காடு நகரில் போக்குவரத்து நெரிசல் அதிகரித்து வரும் சூழலில், நகருக்கு வெளியே புறவழிச்சாலை அமைக்க அரசு நடவடிக்கை எடுக்க வேண்டும். ராணிப்பேட்டை மாவட்டம், கடப்பேரி கிராமத்தைச் சோ்ந்த தியாகி இரா.ஜமதக்னி விடுதலைப் போராட்டத்தில் அதிக காலத்தை சிறையில் கழித்தவா். அவருக்கு உரிய அங்கீகாரம் வழங்கும் வகையில், ராணிப்பேட்டை மாவட்ட புதிய ஆட்சியா் அலுவலக வளாகத்துக்கு, அவரது பெயரை சூட்ட வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

பாமக நிா்வாகிகள் துளிசி ரவி, கஜேந்திரன், ரவி, தேவேந்திரன், செந்தில், அன்பு, மண்ணு, ராஜேஷ் உள்ளிட்டோா் பங்கேற்றனா். மாவட்டப் பொருளாளா் அமுதா சிவா நன்றி கூறினாா்.