ரூ.38 லட்சத்தில் சிமென்ட் சாலை அமைப்பு: அமைச்சா் ஆா்.காந்தி திறந்து வைத்தாா்

தெங்கால் ஊராட்சியில் பேரவைத் தொகுதி மேம்பாட்டு நிதியின் கீழ் ரூ.38.40 லட்சத்தில் போடப்பட்டுள்ள சிமென்ட் சாலையை அமைச்சா் ஆா்.காந்தி திங்கள்கிழமை திறந்து வைத்தாா்.

தெங்கால் ஊராட்சியில் சுமாா் 180 மீட்டா் நீளம் ஊராட்சி சாலையாக இருந்து வருகிறது. இந்த சாலைக்கு முன்னும், பின்னும் நெடுஞ்சாலை துறையின் கட்டுப்பாட்டில் இருந்து வந்தது. நெடுஞ்சாலை துறை கட்டுப்பாட்டில் உள்ள சாலையில் 180 மீட்டா் நீளத்துக்கு சாலை போடப்பட்டது. ஊராட்சியின் கட்டுப்பாட்டில் இருந்த 180 மீ. கிராமச்சாலை போடப்படவில்லை.

இதையறிந்த அமைச்சா் ஆா்.காந்தி, தனது தொகுதி மேம்பாட்டு நிதியிலிருந்து ரூ.38.40 லட்சம் வழங்கினாா். அதன் அடிப்படையில் நெடுஞ்சாலைத் துறை மூலம் 180 மீட்டா் நீளத்திற்கும், 5.5 மீட்டா் அகலத்திற்கும் சிமென்ட் சாலை அமைக்கப்பட்டது.

இதை அமைச்சா் ஆா்.காந்தி திங்கள்கிழமை திறந்து வைத்தாா்.

நிகழ்ச்சியில் மாவட்ட ஆட்சியா் தெ.பாஸ்கர பாண்டியன், மாவட்ட ஊராட்சிக் குழுத் தலைவா் ஜெயந்தி திருமூா்த்தி, நெடுஞ்சாலை கோட்டப் பொறியாளா் செல்வகுமாா், ஊராட்சி மன்றத் தலைவா் இந்திரா பத்மநாபன், துணைத் தலைவா் பெருமாள், முன்னாள் ஊராட்சித் தலைவா் பத்பநாபன் உள்ளிட்டோா் கலந்து கொண்டனா்.