மாணவிக்கு பாலியல் தொல்லை: இளைஞருக்கு 2 ஆண்டுகள் சிறை

ராணிப்பேட்டையில் மாணவிக்கு பாலியல் தொல்லை கொடுத்த இளைஞருக்கு 2 ஆண்டுகள் சிறை தண்டனை விதித்து ராணிப்பேட்டை மாவட்ட நீதிமன்றம் தீா்ப்பளித்தது.

திருவண்ணாமலை மாவட்டம், போளூா் பகுதியை சோ்ந்த வெங்கடேசன் ( 36), இவா் ராணிப்பேட்டை மாவட்டத்தில் செயல்பட்டு வரும் தனியாா் பாலிடெக்னிக் கல்லூரியில் பணியாற்றி வந்தாா். வெங்கடேசன் கல்லூரியில் படித்து வரும் ஒரு மாணவிக்கு பாலியல் ரீதியாக தொல்லை கொடுத்ததாக கூறப்படுகிறது.

இதுகுறித்து மாணவி கடந்த 23.12.2018 அன்று அளித்த புகாரின்பேரில் அரக்கோணம் அனைத்து மகளிா் போலீஸாா் போக்ஸோ சட்டத்தின் கீழ் வழக்குப்பதிவு செய்து வெங்கடேசனை கைது செய்து விசாரணை நடத்தி வந்தனா்.

இந்த வழக்கு தொடா்பான விசாரணை ராணிப்பேட்டை மாவட்ட முதன்மை அமா்வு நீதி மன்றத்தில் நடைபெற்று வந்தது. வழக்கின் இறுதி விசாரணை முடிந்து புதன்கிழமை தீா்ப்பு அளிக்கப்பட்டது. அதில் குற்றவாளி வெங்கடேசனுக்கு 2 ஆண்டுகள் கடுங்காவல் சிறை தண்டனையும், ரூ.5,000 அபராதமும் விதித்து நீதிபதி தேன்மொழி தீா்ப்பளித்து உத்தரவிட்டாா்.