முகுந்தராயபுரம் ரயில் நிலையத்தில் பெல் நிறுவன பணியாளா்கள் தூய்மைப் பணி

ராணிப்பேட்டை பெல் நிறுவனத்தின் சாா்பில்,முகுந்தராயபுரம் ரயில் நிலையத்தில் சிறப்பு தூய்மைப் பணி வியாழக்கிழமை நடைபெற்றது.

நாடு தழுவிய தூய்மைச் சிறப்பு இயக்கம் 6.0 அக். 2 முதல் 31 வரை மாதம் முழுவதும் மேற்கொள்ளப்படுகிறது. அதன்படி ராணிப்பேட்டை பெல் பிஏபி நிறுனத்தின் சாா்பில், முகுந்தராயபுரம் ரயில் நிலையத்தில் தூய்மைப் பணி நிகழ்ச்சிக்கு ராணிப்பேட்டை பெல் நிறுவன செயல் இயக்குநா் எம். அருண்மொழி தேவன் தலைமை வகித்து தூய்மைப் பணி இயக்கத்தை தொடங்கி வைத்து தூய்மைப்பணியில் ஈடுபட்டாா்.

இதில், மனிதவளப் பொது மேலாளா், சுகாதாரம் மற்றும் பாதுகாப்பு உதவிப் பொது மேலாளா், சிவில் உதவிப் பொது மேலாளா், குடிமைப் பணிப் பிரிவு கூடுதல் பொது மேலாளா் உட்பட பணியாளா்கள், தூய்மைப் பணியாளா்கள் பங்கேற்றனா்.