அரசு மாதிரிப் பள்ளி மாணவா்களுக்கு கல்விச் சுற்றுலா: ஆட்சியா் வழியனுப்பினாா்

ராணிப்பேட்டை மாவட்ட அரசு மாதிரிப் பள்ளி மாணவா்களுக்கு கல்விய் சுற்றுலாவை ஆட்சியா் ந. பிரியா ரவிச்சந்திரன் தொடங்கி வைத்தாா்.

பள்ளிக் கல்வித்துறை சாா்பில்,வெற்றிப் பாதை 2026 -2027 திட்டத்தின் மூலம் அறிவியல் வெற்றிப் பாதை கல்விச் சுற்றுலா பயணம் தொடங்கியது. சுற்றுலாவை ராணிப்பேட்டை ஆட்சியா் பிரியா ரவிச்சந்திரன் தொடங்கி வைத்து, மாணவா்களுடன் கலந்துரையாடினாா்.

இதில் 45 மாணவா்களும், 5 ஆசிரியா்களும் சென்றுள்ளனா். இச்சுற்றுலா மூலம் சென்னை கோட்டூா்புரம் அறிவியல் மற்றும் தொழில்நுட்ப மையம் மற்றும் பிா்லா கோளரங்கத்திற்கு பயணம் மேற்கொண்டனா். அங்கு அறிவியல் கண்டுபிடிப்புகள், செயல்முறை விளக்கங்கள், விண்வெளி ஆராய்ச்சி மற்றும் கோள்கள் குறித்த அனைத்து விஷயங்களையும் நேரடியாக தெரிந்து கொள்ள உள்ளனா்.

நிகழ்ச்சியில், முதன்மைக் கல்வி அலுவலா் மோகனா மற்றும் அரசு மாதிரிப் பள்ளியின் தலைமை ஆசிரியா், மாவட்ட ஒருங்கிணைப்பாளா் கலந்து கொண்டனா்.