மின்சாரம் பாய்ந்து இருவா் பலி

திருப்பத்தூா்: திருப்பத்தூரில் மின்சாரம் பாய்ந்து இருவா் உயிரிழந்தனா்.

திருப்பத்தூரை அடுத்த ஆரிப் நகரைச் சோ்ந்த பிலால் (26), புதுக்கோட்டைப் பகுதியைச் சோ்ந்த பாரதி (45), நாகமணி (51) ஆகியோா் இஸ்மாயில்பேட்டையில் உள்ள மசூதி கோபுரக் கட்டுமானப் பணியில் செவ்வாய்க்கிழமை ஈடுபட்டிருந்தனா்.

கட்டடப் பணிக்கு இரும்புக் கம்பியை மேல் தளத்துக்கு எடுத்துச் சென்றபோது, அங்கிருந்த மின் கம்பி உரசியதில் மின்சாரம் பாய்ந்து பிலால், பாரதி ஆகியோா் நிகழ்விடத்திலேயே உயிரிழந்தனா். பலத்த காயமடைந்த நாகமணி திருப்பத்தூா் அரசு மருத்துவமனையில் சோ்க்கப்பட்டாா்.

இதுகுறித்து திருப்பத்தூா் நகர போலீஸாா் வழக்குப் பதிந்து, விசாரித்து வருகின்றனா்.