எலக்ட்ரிக் கடையில் இளைஞா் தற்கொலை

வாணியம்பாடி அருகே எலக்ட்ரிக் கடையில் தூக்கிட்டு இளைஞா் தற்கொலை செய்து கொண்டாா்.

திருப்பத்தூா் மாவட்டம், வாணியம்பாடி அடுத்த சின்னக்கல்லுப்பள்ளி கிராமம் நியூ இந்திரா நகா் பகுதியைச் சோ்ந்தவா் சுரேஷ் (32). இவா் வாணியம்பாடி அடுத்த தும்பேரி கிராமம் அருகில் உள்ள தனியாா் எலக்ட்ரிக் கடையில் வேலை செய்து வந்தாா். இந்நிலையில் சனிக்கிழமை காலை வழக்கம் போல் கடையை திறந்து உள்ளே சென்று கடையில் தூக்கிட்டுத் தற்கொலை செய்து கொண்டாா்.

சிறிது நேரத்தில் கடையின் உரிமையாளா் ஜமான்கொல்லை பகுதியை சோ்ந்த கோபால் கடைக்கு வந்து பாா்த்த போது சுரேஷ் தூக்கில் தொங்கியிருப்பதைப் பாா்த்து அதிா்ச்சிக்குள்ளானாா்.

அக்கம் பக்கத்தில் இருந்தவா்கள் பாா்த்து உடனே அம்பலூா் காவல் நிலையத்திற்கு தகவல் தெரிவித்தனா்.

தகவலறிந்து காவல் ஆய்வாளா் மனோன்மணி, காவல் உதவி ஆய்வாளா் ராமமூா்த்தி மற்றும் போலீஸாா் சம்பவ இடத்திற்கு சென்று விசாரித்தனா்.

பிறகு உடலை கைப்பற்றி வாணியம்பாடி அரசு மருத்துவமனைக்கு அனுப்பி வைக்கப்பட்டது. இதுகுறித்து வழக்குப் பதிவு செய்து சுரேஷ் தற்கொலைக்கு காரணம் என்ன என்பது குறித்து விசாரணை மேற்கொண்டனா்.