திருப்பத்தூா்: தோ்தல் செலவின பாா்வையாளா் ஆய்வு

திருப்பத்தூா் மாவட்டத்தில் தோ்தல் செலவின மேற்பாா்வையாளா் குருபிரீத் வாலியா வெள்ளிக்கிழமை ஆய்வு மேற்கொண்டாா். திருவண்ணாமலை மக்களவைத் தொகுதி தோ்தல் செலவின மேற்பாா்வையாளா் குருபிரீத் வாலியா வெள்ளிக்கிழமை திருப்பத்தூா் ஆட்சியா் அலுவலகத்தில் செயல்பட்டு வரும் கண்காணிப்பு கட்டுப்பாட்டு அறையைப் பாா்வையிட்டு ஆய்வு செய்தாா். இதையடுத்து மாவட்ட தோ்தல் அலுவலரும், ஆட்சியருமான க.தா்ப்பகராஜை சந்தித்து தோ்தல் முன்னேற்பாடுகள் குறித்து கேட்டறிந்தாா். பின்னா், திருப்பத்தூா் வட்டாட்சியா் அலுவலகத்தில் பண பரிமாற்றங்கள் மற்றும் பரிசுப் பொருள்கள் பறிமுதல் தொடா்பான பணிகள் குறித்தும், அதற்கான ஆவணங்களையும் சரி பாா்த்தாா். மேலும், பறக்கும் படைகள் மூலம் மேற்கொள்ளப்படும் பணிகளை நேரடியாக பாா்வையிடுவதற்காக ஜி.பி.எஸ். கருவிகள் பொருத்தப்பட்ட வாகனங்களை ஆய்வு செய்து அந்தப் பகுதிகளில் வாகனங்கள் உள்ளதா என நேரடியாக அந்தப் பகுதிகளுக்குச் சென்று பாா்வையிட்டு பணிகள் மேற்கொள்வதை உறுதிப்படுத்தினாா். ஆய்வின் போது மாவட்ட எஸ்.பி. ஆல்பா்ட் ஜான், வட்டாட்சியா் அனந்த கிருஷ்ணன், தோ்தல் பணி அதிகாரிகள் உடனிருந்தனா்.