அரசின் நலத் திட்ட உதவிகளை பயன்படுத்தி முன்னேற வேண்டும்: அமைச்சா் சா.மு.நாசா்

அரசு வழங்குகின்ற அனைத்து நலத் திட்ட உதவிகளையும் பயன்படுத்திக் கொண்டு மக்கள் வாழ்வில் முன்னேற வேண்டும் என சிறுபான்மையினா் நலன் மற்றும் வெளிநாடு வாழ் தமிழா் நலத் துறை அமைச்சா் சா.மு.நாசா் பேசினாா்.

தேசிய சிறுபான்மையினா் உரிமைகள் தின விழா திருப்பத்தூா் தூயநெஞ்சக் கல்லூரியில் நடைபெற்றது. நிகழ்ச்சியில், ஆட்சியா் க.சிவசௌந்திரவல்லி வரவேற்றாா்.

தமிழ்நாடு மாநில சிறுபான்மையினா் ஆணைய தலைவா் அருண் திட்ட விளக்கவுரை ஆற்றினாா்.

சிறுபான்மையினா் நல இயக்ககம் ஆணையா் ஆசியா மரியம், மாவட்ட வருவாய் அலுவலா் நாராயணன் ஆகியோா் முன்னிலை வகித்தனா்.

எம்எல்ஏ-க்கள் க.தேவராஜி(ஜோலாா்பேட்டை), அ.நல்லதம்பி (திருப்பத்தூா்), அ.செ.வில்வநாதன் (ஆம்பூா்) ஆகியோா் வாழ்த்திப் பேசினா்.

நிகழ்ச்சிக்கு, சிறுபான்மையினா் நலன் மற்றும் வெளிநாடு வாழ் தமிழா் நலத் துறை அமைச்சா் சா.மு.நாசா் தலைமை வகித்து பல்வேறு துறைகளின் சாா்பில், 2,981 பயனாளிகளுக்கு ரூ. 22,51,39,608 மதிப்பிலான அரசு நலத் திட்ட உதவிகளை வழங்கி பேசியதாவது:

தமிழ்நாடு மாநில சிறுபான்மையினா் ஆணையம் கள ஆய்வு செய்து அளித்த அறிக்கையில், சிறுபான்மையினா் நலன்கள் குறித்த பல்வேறு கோரிக்கைகள் மற்றும் பரிந்துரைகள் அடங்கியுள்ளன. இது மாநிலம் முழுவதும் உள்ள சிறுபான்மையினரின் தேவைகளைக் கருத்தில் கொண்டு தயாரிக்கப்பட்டுள்ளது. சிறுபான்மையின மக்களுக்கு மட்டுமல்லாமல் பெரும்பான்மையின மக்களுக்கும் பாதுகாப்பாக தமிழக முதல்வா் மு.க.ஸ்டாலின் திகழ்ந்து வருகிறாா். தமிழ்நாட்டில் மத பாகுபாடு இன்றி, மொழிக்கு அப்பாற்பட்டு, அனைவரும் ஒற்றுமையோடு வாழ்ந்து வருகின்றோம். முதல்வா் மு.க.ஸ்டாலின் சிறுபான்மையினா் மக்களுக்கு அறங்காவலராக இருந்து காத்து வருகிறாா். தமிழ்நாடு அரசு வழங்குகின்ற அனைத்து நலத் திட்ட உதவிகளையும் பயன்படுத்திக் கொண்டு மக்கள் வாழ்வில் முன்னேற வேண்டும் என்றாா்.

நிகழ்ச்சியில், மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலா் கிருஷ்ணமூா்த்தி, மாவட்ட ஆதிதிராவிடா் நல அலுவலா் கதிா்சங்கா், தூய நெஞ்சக் கல்லூரி இல்லத்தந்தை பிரவீன் பீட்டா், முதல்வா் மரிய ஆண்டனி ராஜ், பிற்படுத்தப்பட்டோா் விடுதி காப்பாளா் வினோத், நகா்மன்ற உறுப்பினா்கள், அரசு அதிகாரிகள் உள்பட பலா் கலந்து கொண்டனா்.

மாநில சிறுபான்மையினா் ஆணைய துணைத் தலைவா் அப்துல் குத்தூஸ் நன்றி கூறினாா்.