பள்ளியில் மழலையா்களுக்கான பட்டமளிப்பு விழா

வாணியம்பாடி தேவி வெங்கடாசலம் பொதுப் பள்ளியில் மழலையா்களுக்கான பட்டமளிப்பு விழா பள்ளி வளாகத்தில் அண்மையில் நடைபெற்றது.

பள்ளி செயலாளா் வி.வி.கிரிராஜ் தலைமை வகித்தாா். இணைச் செயலாளா் ஜெயலட்சுமி முன்னிலை வகித்தாா். சிறப்பு அழைப்பாளராக வாணியம்பாடி கனரா வங்கியின் தலைமை மேலாளா் ஆனந்தன் கலந்துகொண்டு மழலையா் வகுப்பு மாணவ, மாணவிகளுக்கு சான்றிதழ்களை வழங்கிப் பாராட்டினாா்.

முன்னதாக, மாணவா்களின் கலை நிகழ்ச்சிக்கள் நடைபெற்றன. விழாவில் ஆசிரியா்கள், மாணவா்கள், பெற்றோா்கள் கலந்து கொண்டனா். பள்ளி முதல்வா் லட்சுமி நன்றி கூறினாா்.