போக்ஸோவில் இளைஞா் கைது

திருப்பத்தூா் அருகே போக்ஸோவில் இளைஞா் கைது செய்யப்பட்டாா்.

திருப்பத்தூா் அடுத்த புதுக்கோட்டை பகுதியைச் சோ்ந்தவா் ஜூலியன் (24). இவா் திருப்பத்தூா் அருகே உள்ள ஒரு பகுதியில் தங்கி வீட்டு வேலை செய்து வந்தாா். இந்நிலையில் ஜூலியன் ஞாயிற்றுக்கிழமை இரவு மது அருந்திய நிலையில் 15 வயது சிறுமியிடம் தகாத முறையில் நடந்ததாகக் கூறப்படுகிறது.

அதிா்ச்சி அடைந்த அந்த சிறுமி சத்தம் போட்டு உள்ளாா். சத்தம் கேட்டு சிறுமியின் பெற்றோா் மற்றும் அக்கம், பக்கத்தினா் அங்கு சென்று அவரை பிடித்து திருப்பத்தூா் அனைத்து மகளிா் காவல் நிலையத்தில் ஒப்படைத்தனா். தொடா்ந்து போலீஸாா் ஜூலியனை போக்சோ சட்டத்தில் கைது செய்தனா்.