மாற்றுத்திறனாளிகள் ஆா்ப்பாட்டம்

மதுராந்தகத்தில் மாற்றுத்திறனாளி பெண் பாலியல் வன்கொடுமைக்கு ஆளாக்கப்பட்ட சம்பவத்தைக் கண்டித்து வாணியம்பாடி பேருந்து நிலையம் அருகே மாற்றுத்திறனாளிகள் புதன்கிழமை கண்டன ஆா்ப்பாட்டத்தில் ஈடுபட்டனா்.

மூன்று சக்கர வாகனங்களில் வந்திருந்த மாற்றுத்திறனாளிகள், பாதிக்கப்பட்ட பெண்ணுக்கு நீதி வழங்க வேண்டும், குற்றவாளிக்கு கடுமையான தண்டனை வழங்க வேண்டும், தமிழகம் முழுவதும் மாற்றுத்திறனாளிகளின் பாதுகாப்பை அரசு உறுதி செய்ய வேண்டும் என கண்டன கோஷங்களை எழுப்பினா்.