லாரி மோதி பெண் சாவு

லாரி மோதியதில் பெண் உயிரிழந்தார்.

அம்பத்தூர் வெங்கடாபுரத்தைச் சேர்ந்தவர் கிருஷ்ணவேணி (58). இவர் வியாழக்கிழமை திருவள்ளூரில் உள்ள உறவினர் வீட்டுக்கு கணவருடன் இருசக்கர வாகனத்தில் சென்றார்.

பட்டாபிராம் பேருந்து நிலையம் அருகே சென்றுகொண்டிருந்த போது எதிரே வந்த லாரி, இருசக்கர வாகனத்தின் மீது மோதியது. இதில் பின்இருக்கையில் அமர்ந்து வந்த கிருஷ்ணவேணி தூக்கி வீசப்பட்டார். பலத்தகாயமடைந்த அவரை அரசு மருத்துவமனை அனுமதித்தனர். அங்கு அவர் உயிரிழந்தார்.