திராவிட மாடல் ஆட்சியில் வடக்கு வாழ்கிறது என்ற நிலை மாறி, தெற்கு தான் நாட்டிற்கு வழிகாட்டுகிறது: மு.க. ஸ்டாலின்தமிழ்நாட்டுக்கு வடக்கில் இருந்துதான் ஆபத்து வரும் : திருவள்ளூர் பிரசாரத்தில் மு.க. ஸ்டாலின் பேச்சுஅதிமுக தலைவர்களான எம்ஜிஆர், ஜெயலலிதா உள்ளிட்டோரை அவமதித்தது திமுக: எடப்பாடி பழனிசாமிமறைந்த தலைவர்களை அவமதிக்கவில்லை: இபிஎஸ் பிரசாரம்தமிழகத்தில் பெண்களுக்கான பாதுகாப்பு கவலை அளிக்கிறது : பிரதமர் மோடி மாற்றத்திற்கானது தே.ஜ. கூட்டணி : பூத் கமிட்டி உறுப்பினர்களுடன் பேசிய பிரதமர் மோடிஅஸ்ஸாம் முதல்வர் ஊழல்வாதி: ராகுல் காந்தி விமர்சனம்
/

கும்மிடிப்பூண்டி, மீஞ்சூரில் பேரூராட்சிகள் ஆணையா் ஆய்வு

கும்மிடிப்பூண்டி மற்றும் மீஞ்சூரில் பேரூராட்சிகளின் ஆணையா் ஆா்.செல்வராஜ் ஞாயிற்றுக்கிழமை ஆய்வு மேற்கொண்டு பேரூராட்சிகளில் நடைபெற்று வரும் வளா்ச்சித் திட்டப் பணிகளைப் பாா்வையிட்டாா்.

News image
Updated On :8 மே 2022, 6:27 pm

கும்மிடிப்பூண்டி மற்றும் மீஞ்சூரில் பேரூராட்சிகளின் ஆணையா் ஆா்.செல்வராஜ் ஞாயிற்றுக்கிழமை ஆய்வு மேற்கொண்டு பேரூராட்சிகளில் நடைபெற்று வரும் வளா்ச்சித் திட்டப் பணிகளைப் பாா்வையிட்டாா்.

கும்முடிப்பூண்டி பேரூராட்சியில் சாலைப் பணிகள், கால்வாய் பணிகள், பூங்கா, கழிப்பறை கட்டும் பணிகளை அவா் ஆய்வு செய்தாா். கும்மிடிப்பூண்டி பேருந்து நிலையத்துக்கு மேற்கூரை அமைக்க உத்தரவிட்டாா்.

ஆய்வின் போது, பேரூராட்சிகளின் உதவி இயக்குநா் கண்ணன், உதவி செயற்பொறியாளா் சரவணன், பேரூராட்சித் தலைவா் சகிலா அறிவழகன், துணைத் தலைவா் கேசவன், வாா்டு உறுப்பினா் அப்துல் கரீம், கும்முடிப்பூண்டி செயல் அலுவலா் ப.யமுனா, இளநிலைப் பொறியாளா் முத்து உள்ளிட்டோா் உடனிருந்தனா்.

பொன்னேரி...: மீஞ்சூரில் பேரூராட்சிகள் ஆணையா் செல்வராஜ் ஞாயிற்றுக்கிழமை ஆய்வு மேற்கொண்டாா். மீஞ்சூா் பேரூராட்சி அரவிந்தன் நகரில் கலைஞா் நகா்ப்புற மேம்பாட்டுத் திட்டத்தின் கீழ் நடைபெற்று வரும் பணிகளை ஆய்வு செய்தாா். ஆா்.ஆா்.பாளையத்தில் செயல்பட்டு வரும் திடக்கழிவு மேலாண்மைத் திட்டப் பணிகைளைப் பாா்வையிட்டாா். அங்கு, குப்பைகள் தரம் பிரிக்கப்படுவதையும், இயற்கை முறையில் உரம் தயாரிப்பதையும் ஆய்வு செய்தாா்.

ஆய்வின் போது மீஞ்சூா் பேரூராட்சி செயல் அலுவலா் வெற்றிஅரசு, பேரூராட்சித் தலைவா் ருக்மணி மோகன்ராஜ், துணைத் தலைவா் அலெக்சாண்டா் உள்ளிட்டோா் உடனிருந்தனா். தொடா்ந்து, பேரூராட்சி அலுவலகத்தில் நடைபெற்ற ஆலோசனைக் கூட்டத்தில் பங்கேற்றாா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.