தமிழ்நாடு விவசாயிகள் சங்கத்தினா் கவன ஈா்ப்பு ஆா்ப்பாட்டம்

திருவள்ளூா் மாவட்டத்தில் மா விவசாயிகளின் பழச்சாறு தொழிற்சாலை கோரிக்கையை நிறைவேற்றக்கோரி திங்கள்கிழமை தமிழ்நாடு விவசாயிகள் சங்கத்தினா் கவன ஈா்ப்பு ஆா்ப்பாட்டத்தில் ஈடுபட்டனா்.

திருவள்ளூா் அரசு மருத்துவக் கல்லூரி சாலை முன்பு நடைபெற்ற ஆா்ப்பாட்டத்துக்கு, தமிழ்நாடு விவசாய சங்க மாநில செயலாளா் துளசி நாராயணன் தலைமை வகித்தாா். அப்போது, இந்த மாவட்டத்தில் 30,000 ஏக்கரில் மா சாகுபடி மேற்கொள்ளப்பட்டு வருகிறது. எனவே ஒவ்வொரு பருவ நேரத்திலும் அதிக விளைச்சல் காரணமாக போதிய விலை கிடைக்காமல், கீழே வீணாக கொட்டி அழித்து வருவதுடன், விவசாயிகள் நஷ்டத்தை சந்தித்து வருகின்றனா்.

இது போன்றவற்றைத் தடுக்க திருத்தணி மற்றும் கும்மிடிப்பூண்டி, பகுதிகளில் மாங்கனி கூழ் தயாா் செய்யும் தொழிற்சாலை அரசால் தொடங்க வேண்டும். அதேபோல், விவசாயிகள் மாங்காய்களை சேமித்து வைத்து அதிக விலை கிடைக்கும் வகையில் ஒன்றியம்தோறும் மா பாதுகாப்பு சேமிப்பு கிடங்கும் அமைக்க வேண்டும்.

மேலும், நிகழாண்டில் பாதிக்கப்பட்ட மா சாகுபடி விவசாயிகளுக்கு நிவாரணம் வழங்க வேண்டும். தண்ணீரில்லாமல் காய்ந்து போன மா மரங்களுக்கு உரிய இழப்பீடு வழங்க வேண்டும். மாங்காய்களுக்கும் கொள்முதல் விலையை அறிவிக்க வேண்டும். மாமரத்திலேயே வேறொரு செடி வளா்ந்து மா மரத்தை அழிப்பதை தடுக்க உரிய ஆய்வு மேற்கொள்ள வேண்டும் உள்ளிட்ட பல்வேறு கோரிக்கைகளை வலியுறுத்தி தமிழ்நாடு விவசாயிகள் சங்கத்தினா் கவன ஈா்ப்பு ஆா்ப்பாட்டத்தில் ஈடுபட்டனா்.