குடிநீா் குழாய் சீரமைக்க தோண்டப்பட்ட பள்ளம்: மூட பொதுமக்கள் கோரிக்கை

குடிநீா் குழாய் சீரமைக்க தோண்டப்பட்ட பள்ளத்தை மூட பொன்னேரி நகராட்சி நிா்வாகம் நடவடிக்கை எடுக்க வேண்டும் என பொதுமக்கள் கோரியுள்ளனா்.

திருவள்ளூா் மாவட்டம் பொன்னேரி நகராட்சி புதிய பேருந்து நிலையம் எதிரே அமைந்துள்ள தேரடி குறுக்குத் தெருவில் உள்ள ஒரு சில குடியிருப்புகளில் குடிநீருடன் கழிவு நீா் கலந்து வந்தததாக கூறப்படுகிறது. இதுகுறித்து அப்பகுதியில் வசிக்கும் மக்கள் நகராட்சி நிா்வாக்த்துக்கு தகவல் தெரிவித்தனா்.

இதனைத் தொடா்ந்து பல்வேறு இடங்களில் உள்ள குடிநீா் குழாய்களை நகராட்சி நிா்வாகம் சீரமைத்த நிலையிலும் குடிநீருடன் கழிவு நீா் கலந்து வருவது இன்னமும் தொடா்கிறது. இதன் காரணமாக அப்பகுதியில் வசிக்கும் குடியிருப்பு வாசிகள் கேன் குடிநீரை வாங்கி பயன்படுத்தும் நிலை உள்ளது.

கழிவு நீருடன் குடிநீா் கலந்து வருவதை தடுக்கும் நோக்கில் தேரடி குறுக்கு தெருவில் சுமாா் 5 அடி ஆழ பள்ளம் தோண்டப்பட்டு சீரமைக்கப்பட்டது. இந்த நிலையில் கடந்த 20 நாள்களுக்கு முன்பு குடிநீா் குழாய் சீரமைக்க தோண்டப்பட்ட பள்ளத்தில் அந்த வழியே வந்த காா் ஒன்று சிக்கியது. பகல் நேரமாக இருந்ததால் அப்பகுதியில் வசிக்கும் பொதுமக்கள் பள்ளத்தில் சிக்கிய காரை மீட்டு அனுப்பி வைத்தனா்.

இந்த நிலையில் இப்பகுதியில் கடந்த மூன்று நாள்களாக பெய்து வரும் மழை காரணமாக பள்ளத்தில் சுமாா் 5அடி ஆழத்தில் மழை நீா் தேங்கியுள்ளது. இரவு நேரததில் இந்த சாலை வழியே வரும் இரு சக்கர வாகன ஒட்டிகள் பள்ளத்தில் சிக்கி விழும் நிலை ஏற்பட்டுள்ளது.

எனவே பள்ளத்தை மூட நகராட்சி நிா்வாகம் மூட உரிய நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனா்.