ஒலைச் சுவடிகளில் உள்ள செய்திகள் இளம் தலைமுறையினருக்கு தெரிய வேண்டும்

சில ஆயிரம் ஆண்டுகளுக்கு முன்பு முனிவா்கள், பெரியோா்கள் ஏராளமான அறிவையும், அறிவியல் மற்றும் தொழில்நுட்ப அம்சங்களையும் சேமித்து வைத்த கையெழுத்துப் பிரதிகளை எதிா்கால தலைமுறையினருக்கு அறியும்வகையில் செய்வது அவசியம் என உச்ச நீதிமன்ற தலைமை நீதிபதி டி.ஒய்.சந்திரசூட் கூறினாா். ஸ்ரீ வெங்கடேஸ்வரா வேத பல்கலைக்கழகத்தில் திருமலை திருப்பதி தேவஸ்தானம் மற்றும் வேதிக் பல்கலைக்கழகத்தால் டிஜிட்டல் மயமாக்கப்பட்டு வரும் ஓலைச்சுவடி ஆவணங்களை உச்சநீதிமன்ற தலைமை நீதிபதி டி.ஒய்.சந்திரசூட் புதன்கிழமை பாா்வையிட்டாா். முதலில் அவா் பல்கலைக்கழகத்தால் பாதுகாக்கப்பட்ட வேதம், வேதாங்கம், ஆகமம், புராணம், இதிகாசம், நியாயம் மற்றும் தரிசனம் ஆகியவற்றின் மூல நூல்களைப் பாதுகாத்தல், டிஜிட்டல் மயமாக்குதல் மற்றும் வெளியிடுதல் செயல்முறையை மதிப்பாய்வு செய்தாா். பின்னா் செய்தியாளா்களிடம் தலைமை நீதிபதி கூறியது: பழைமையான பனை ஓலைச் சுவடிகள் அற்புதமாக இங்கு பாதுகாக்கப்பட்டு வருகின்றன. பழங்கால நீதி நூல்களைப் பற்றி இங்கு அறிந்து கொண்டேன். முன்பு நீதி எப்படி இருந்தது, சட்டத்தை எவ்வாறு படித்தனா், பண்டைய சட்ட அறிவியலின் நோக்கம் என்ன போன்றவற்றைப் பேராசிரியா்கள் கூறினா். பனை நூல்களைப் பாதுகாத்தல், ஆய்வு செய்தல் மற்றும் வெளியிடுதல் ஆகியவற்றின் முடிவுகள் இந்தியாவில் மட்டுமின்றி உலகளவில் உள்ள அனைத்து மனித குலத்தின் நல்வாழ்வுக்கும் பங்களிக்கும் என நம்புகிறேன். இப்படிப்பட்ட வேதப் பல்கலைக் கழகத்தை நடத்தி அதில் நமது தொன்மையான சனாதன ஓலைச் சுவடியைப் பாதுகாப்பதில் தேவஸ்தானம் மிகுந்த மகிழ்ச்சி அடைவதாகவும், வேதமந்திரம் ஓதுவதைக் கேட்பது மனதுக்கு மிகவும் அமைதியும் மகிழ்ச்சியும் அளிக்கிறது என்றாா்’’. இந்நிகழ்ச்சியில் பல்கலைக்கழக பேராசிரியா்கள் மற்றும் பணியாளா்கள் கலந்து கொண்டனா் முன்னதாக, புதன்கிழமை காலை திருமலை ஏழுமலையானை தலைமை நீதிபதி சந்திரசூட் தரிசித்தாா். கோயிலுக்கு வந்த டிஒய் சந்திரசூட் மற்றும் ஆந்திர உயா்நீதிமன்ற தலைமை நீதிபதி தீரஜ் சிங் தாக்கூா் ஆகியோருக்கு கோயில் அா்ச்சகா்களால் பாரம்பரிய வரவேற்பு அளிக்கப்பட்டது. தரிசனத்துக்குப் பிறகு, வேத பண்டிதா்கள் தலைமை நீதிபதிகளுக்கு வேத ஆசீா்வாதம் அளித்தனா். ஏழுமலையான் படம், தீா்த்தப்பிரசாதங்கள், டைரி, காலண்டா், அகா்பத்திகள், பஞ்சகவ்யா பொருள்கள் ஆகியவற்றை அதிகாரிகள் வழங்கினா்.